هامسەرۆکو هەرمانو کارو کۆمەڵایەتی کانتۆنو فوراتی ئەحمەد خۆجە ئاماژەش پانەیە دا سووریایې لا مەرکەزی تەنیا بە مۆدێلو ئیدارەو ۋێڕاوەبەری و ئازادی ژەنا مێنە ئاراوە.
هامسەرۆکو هەرمان و کارو کۆمەڵایەتی کانتۆنو فوراتی ئەحمەد خۆجە پەی ئاژانسەکەیما قسێش کەردێ و ئاماژەش پانەی دا قۆناغێوە تازە جە سووریانە دما و ٨و کانوونو یوەمو ٢٠٢٤ دەسش پنەکەردەن و ئاماژەش پانەی دا کە ئیدارەو ئیسەی بە زیهنیەتو ڕژێمو وەڵینی مامەڵە مکەرۆ. خۆجە ماچۆنە، سووریایێ دیموکراتیک و فرەڕەنگ تەنیا بە مۆدێلو ڕاوەبەری هەرێمی کە جە سەرنیشتوو و وەرکەوتوو سووریای پێشکەش کریان، بە دی مێ.
'حکومەتو ئیسە و سووریای جە ڕژێمو وەڵینتەری خراپتەرا'
ئەحمەد خۆجە واتش: "مشۆم ئیتر سووریایێ تازە و دیموکراتیک بە دی بێنە، بەڵام داخەم مەشۆ دما و ئانەی حکومەتی تازە جە دیمەشقەنە دەسش بەهەرمانێ کەرد، گوایا کۆنگرە بە نامێ سەرکەوتەو وێش ئەنجام دان و کۆمیتەش وەش کەردەن. هەرپاسە دەستوورش نوویست و حکومەتش ئەرەیاونا. ئا زیهنیەتەی ئیسە ئینا دەسەڵاتەنە جە ڕژێمو وەڵێ وێش گێرە خراپتەرا. تەنها یەک لایەنا و گەرەکشانە حکومەتێوە یەک زوان، یەک کلتوور و یەک ناسنامە وەش بکەرا."
'تەنیا لایەنێوە قبوڵ مکەرۆ'
جە بەردەوامی قسەکاشەنە ئەحمەد خۆجە ئاماژەش پانەیش دا وەرچەمو جەهانینە سەدان عەلەویێ جە کەناراوەکا سووریاینە تیرۆر کریێ و واتش: "ئی حکومەتە بە شێوێ یەک لایەنە نزیکو وڵاتی بۆوە. ئینەیش هەرگیز چارەسەری پەی سووریای نمارۆ. ئی زیهنیەتە یەکلایەنەن و تەنیا لایەنێوە دلێ وێشەنە قبوڵ مکەرۆ. حەر پحکەی تەنها لایەنێوەش کەرەکا دلێ وێشانە."
'ئی سیستەمە پەی گلێرگێوە ئازادی گونجیان'
جە درێژە و قسەکاشەنە خۆجە ئاماژەش پانەی دا ئا سیستەمەی جە سەرنیشتوو و وەرکەوتوو سووریای بنیادنریان پەی تەمامو سووریای نمونەن و واتش: "هەرێمەکا سەرنیشتوو وەرکەوتوو سووریای گرڏ و نەتەوەکا دلێ یۆینە ژیوا. سیستەمو هامسەرۆکایەتی، جە هەمانکاتەنە ئازادی ژەنا. ئی سیستەمە پەی گلێرگێوە ئازادی ئینا بارەنە."
دمای قسەکاشەنە خۆجە ئاماژەش پانەی دا تاوەکو ئیسە سەقامگیری جە سووریانە مسۆگەر نییا. هەرپاسە پەی سووریایێ دیموکراتیک، مشۆم هەر هەرێمێ ئیدارەو ڕاوەبەری وێش گێرۆ ئەستۆ. هەرپاسە ماچۆنە، مشۆم پێکئامێوە ناناوەندی فرەڕەنگ و بە سەرمەشقایەتی ژەنا مەزیۆرە.
