دادگا ئاشکراشکەرڎ کە تورکیا ئازادی قسەچنەهۆرگێرتەو دەمیرتاشیش پاشێل کەردەن و پی زینانیکەردەیشە گەرەکشا گفتوگۆ سیاسیەکا سنووردار بکەرۆ.

دەمیرتاش جە تشرینو دووەمو ساڵۊو ٢٠١٦یۆ جە لایەنو دۊڵەتو تورکیایۆ زینانی کریان، ساڵۊو ٢٠٢٤ی جە دادگایې ئەنقەرەینە سزاو ٤٢ ساڵا زینانیش سەرەرە سەپیا، دلې ئا تۆمەتانە کە ئاراسەش کریێبێنې، بانگەوازو بەشداریکەردەیش بې جە ۋێنیشانداکانە، بەمەبەسو پاڵپەشتیکەردەی جە مڎرامانوو کۆبانێ دژ بە داعشی.

دادگاو مافو مرۆڤو ئۊروپای جە دماین قەرارشەنە، دەسش بە ئەوەکۊڵیای کەرد سەبارەت بە زینانیکەردەی دەمیرتاشی جە ما بەینو سزادایش جە ئەیلوولو ٢٠١٩ و ٢٠٢٤ ، شیاوو باسیا دادگاکە وەڵتەرې سەبارەت بە زینانی کەردەی سەلاحەدین دەمیرتاشی جە ساڵەکا ٢٠١٦ پەی ٢٠١٩ ی تورکیاش سزا دابې و داواو ئازاڎ کەردەی نامبریایش کەردەبې. بەڵام ئەردۆغان بە تنی ۋەرا ۋەر پی قەرارەیە کاروەدایش نیشانەدا.

٥٥هەزار یۆرۆ پېسە قەرەبوو کەردەیۆ

دادگا قەرارش دا تورکیا قیمەتو ٣٥ هەزار یۆروا پېسە قەرەبووی مەعنەوی بڎۆ بە سەلاحەدین دەمیرتاشی و ٢٠ هەزار یۆرۆیچش پېسە مەسرەفو ئەرکە ئیدارییەکا دادگای دەس نیشانکەرد کە پەنەوازا تورکیا بڎۆش.