پەرلەمانتارەو شڕناخو پارتو یەکسانی و دیموکراسیی گەلا (دەم پارتی) کە یووەنە جە پارێزنەرا ڕابەر ئاپۆی، پېوەس بە 'مافو هیوا'و ڕابەر ئاپۆی و پیلانەکا حکومەتی پەی ۋۍ دزیەیۆ جە جابەجێ کەردەی مافو هیوای پەی ئاژانسوو هەواڵو فوراتی (ANF)ی قسێش کەردۍ.

نەرۆز یوساڵە پی جۆرە دەسش بە هۊرسەنگنایەکاش کەرڎ: "پلانڕێژی چالاکییە پەنج پەڕەییەکەی پێشکەش کریان. چی پلانڕێژییەنە تەنیا کەلیمێوەیچ نامان تا مەسڵەحەتو ئاژەو زینانیا سیاسیی سزادریاینە بە سزایی هەمیشەیی فاریۆنە. بڕې زانیاریێش چنەنې  و دەسنیشانش مکەرا گوایە سزای هەمیشەی گرڎ زینانیێوە نمەگێرۆوە بەڵکم پېوەسا بە بڕې تاوانێوە. دادگاو دەستووری بنەڕەتی نامونیشانێوە کراوەن، بەڵام پېوەس بە سزاو زینانی هەمیشەیی قورسکریای هەڵای حیچ قەرارێوەش نەڎان، چی مژارەنە حیچ زانیاریێوەش نەڎان. تەنیا ماچۆ قەرارەکەم ئاڕاسەو دادگای باڵای کەردەن، پەی دەستووری بنەڕەتیم کیاستەن."

نەورۆز یوساڵە باسش چانەیە کەرد حکومەت بانگەشەو ئانەیش کەردەن، سزاو زینانی هەمیشەیی قورسکریای پەی گێڵایۆ جە تاوانێ بەکارمێنە، بەڵام سەر و میکانیزمو فاڕییای کە دادگا پەرس و ئانەیش کەردەن هیچ زانیاری و جوابێوەش پێشکەش نەکەردەن و واتش: " حکومەت بانگەشەش کەردەن کە سزاو زینانی هەتاهەتایی قورسکریا پەی ڕاگیر کەردەی جە تاوانێ بەکارمێنە، بەڵام سەر و میکانیزمو ئا فاڕییایە کە دادگا داواش کەردەن، تاکە زانیارییێش نەوزتەن ڕووە، پەی نموونەی کەی فاڕییۆ؟ فاڕییایەکێ بە کام ڕێ ئەنجام دریانە؟ ئێمەو پەرلەمانتارا دەم پارتی فرە ڕەشنووسێ یاساییما پێشکەش کەردێ. ئی ڕەشنووسە یاساییێ ئێمە ئینێ چکۆ؟ جەهەمان کاتەنە ڕێکوزیاکا مافو مرۆڤی جە تورکیانە داتێوەشا  وزتەن ڕووە کە ئێمە پنەش ماچمێ 'دووێ سەر و نۆی'. هەرپاسە پارێزنەر جوان بۆڵتانە جە نیسانو ٢٠٢٥ـنە ڕاپۆرتێوە 'یۆ سەر و نۆ'ـی پێشکەش کەردەن. چێگەنە هەم قەرارەکا دادگاو دەستووری، هەم بەندەکا ئا یاسایا کە چەمەڕاو پەرلەمانینێ هەمیچ فرە بارودۆخێ حەقەتینێ سەر و سزاو زینانی هەتاهەتایی قورسکریا هەنێ. ئئپی پلانە و چالاکییەی جوابو  هیچ کام چینیشاش نەرانۆ، تەنیا بە زانیاریی تەکنیکو وێش جە وەرپرسیارێتیی دزییەنۆ."

'پەنەوازا تورکیا بە پاو قەولەکاش مامەڵە بکەرۆ'

پەرلەمانتارە و شڕناخو دەم پارتی نەورۆز یویسالە ئاماژەش پانەی کەرد، 'مافو هیوا' ی مژارێوە چامنە نییا کە تورکیا تاوۆنە وێش چنە دزۆوە و جە دماینە واتش، "بەدەر جە هەر چێوێ وەراوەرو ئی پلانە و چالاکییەینە پەنەوازا سەبارەت پی چوار قەرارە و ئێمە پنەشا واچمێ غوربان، کایتان، بۆڵتان و ئۆجالان، زانیاری وزیۆنە ڕووە و پەی ئانەی جە گلێرۆبییەکا کاتو مانگە و ئەیلوولینە قەرار دریۆ، داواکاری پێشکەش کریۆ. کۆمیتەکە جە ئەیلوولو ساڵەو ٢٠٢٤ ئەرەیاونابێش، ئەر تورکیا تاوەکو ئەیلوولو ٢٠٢٥ ئا هەنگاما نەنیۆ کە ئێمە چی بابەتەنە چەمەڕاش مکەرمێ و وەڵێکەوتەی وەرچەم ڕووە نەرۆ، ئامادەکاری پەی متەیرە و پێشنیارو قەراری کاتی کریۆ. جە ئیسەنە بەرەو مانگە و ئەیلوولی ملمێ، پلانەو چالاکی هەن کە پێشکەشکریان، بەڵام سەر و فاڕییای کۆنکرێتی هیچ پێشنیار و پلانسازیێ نییا. وەرو ئانەی پەنەوازا کۆمیتە جە ئەرەنیشتەو  ئەیلوولو ٢٠٢٥ـنە تایبەت بە قەرارو تورکیای سەر و ئێژا ئۆجالانی ڕەشنووسێوە کاتی ئامادە بکەرۆ و چی بارۆ پەی ئانەی فاڕییای ئەنجام دۆنە هێزو یاسایی و دیپلۆماتیکی وێش وزۆنە گەڕ. 'مافو هیوا'ی بابەتێوە چانە نییا کە تورکیا وێش چنە دزۆوەو و بازاڕش پۆوە بکەرۆ. ئەر کۆمیتەو وەزیرانو کۆنسەو ئەورووپای ئینەی  پەی وەختی جیا نازۆنە،. ئێمە جە پەرلەمانەنە ئینایمێ هەوڵو ئانەینە. پەنەوازا جە چوارچێوەو ئی پڕۆسەینە تورکیا بەپاو قەولەکاش جە ئاستو مییاننەتەوەینە هەڵسوکەوت بکەرۆ."