وتارو ئەوەڵوو پانێڵەکەی ڕۆنامەنویس ئایسەل ئاڤێستای واناوە و دەسوەشییش وەنەو ئامادەکارا کەرد، کە فێستیڤاڵەکەشا پێشکەشو گلێرگەو ئێزدیی کەردەن و جەژنەو چوارشەممەی سەرو مانگەو نیسانی وەڵینیشا مەبارەکە کەردە. ئاڤێستا درێژەنە واتش: "بەردەوام موچیۆنێ ئێزدییەکێ ٧٤ فەرمانێشا ملەرە ئامێنێ، ئەوەکۆڵیێکێما نیشانەما مدانێ، کە ژمارەو فەرمانەکا ١٠٠ فەرمانێنێ (هجوومێ  گلێرکوشیێ)، یانێ سەد جارێ گلێرگەکەماشا گلێکوش کەردەن، سەدجارێ یاگێ ژیوایشا تاڵانە کریێنە. ژیوایشا سەد جارێ چێروسەر کریان و بە هەزاران کەسێ بۆنەو ئی ئەم فەرماناوە ناچاریێنە دەسبەردارێ ئایینەکەیشا بیێنێ."

'گلێرگەگاکەما بەڕسمی ددانش نمەنیانێ پۆرە'

ئایسەل ئاڤێستا واتش ئارۆ ددان به مافه نەتەوەیی و ئایینیەکاو ئێزدیەکارە مەنیا. بڕێوشا حەرفو Xیشا سەرو شناسنامەکاشاوە نیانرە و واتش: "تەنانەت پا گردو فەرمان و دەربەدەرکەردەیا، گلێرگەی ئێزدی باوڕو وێش پارێزنان، دلێ ئێمەنە قسێوە هەنە 'سەرەما نیارە، بەڵام نهێنیی وێما نەنیارە'.

هەرپاسە ئایسەل ئاڤێستا یادش ئاردۆ، کە باوڕو ئێزدی ئاینێوی دێرینو گەلو کوردەین و دماجاریچ ٣ێ ئابو ٢٠١٤ ڕووبەڕووێ گلێرکوشیی بیۆ و واتش: " ڕاسا داعش گلێرکوشیێوەش کەرد. بەڵام ئێمە مزانمێ سەرکردەو داعشی ئەردۆغان و دەوڵەتو تورکینێ."

سپاس پەی وانیاراو ڕێبازو عەبدوڵڵا ئۆجالانی

ئایسەل ئاڤێستا واتش: "ئەگەر ئارۆ فێستیڤاڵی چینە مکریۆ و پەی پێکئاماو ئێزدییا مکریۆ، گردش سەیەو جەنگەواناو هەپەگە، یەژاستار، یەپەگە و یەپەژەین. کە ڕاگێریشا وەنەو  گلێرکوشیێوە گەورەی کەرد. ئەگەر ئارۆ گلێرگەو ئێزدی باسو وێش و تارێخەکەیش مکەرۆ، گردش سەیەو ئی خەباتکار و وانیاراو ڕێبازو ڕابەرو گەلو کوردی عەبدوڵا ئۆجالانیوەن و ئێمە قەرزدارێشانمێ."

ئایسەل ئاڤێستا سەرئامای وێش پەی ئامادەبیا باس کەرد و واتش: "وەختو گلێرکوشییەکەینە، بێدەسەڵاتی و گرەوای ژەنە ئێزدییەکاما دی. من لوانێ شەنگاڵ و ئینەم بە چەمێ وێم دی، گلێرگەی ئێزدی سەیەو وانیاراو ئۆجالانیوە گەلو ئێزدی و دمایی خاکەکەشا ڕزگار کەرد. دمایینە سپاو وێش بنیاتە نیا و وێش لاو سیاسی و سەروازییوە وێش ڕێک وست. ئیساتێ ئیتر بێ هیوا نییا و هەڵسی نمەمجۆ وەرگێری جە وێش و خاکەکەیش مکەرۆ.

تا ددان بە ئیدارەو وێڕاوەبەریرە بنریۆ داواو خاوەندارییش جە ١٣ وەڵاتا کەردە

ئایسەل ئاڤێستا یادش ئاردۆ، کە ١٣ وەڵاتاو ئەوروپاینە گلێرکوشیی ٢٠١٤و شەنگالیشا بە گلێرکوشی ئشناسا و واتش: "یۆ چا وەڵاتا کە ٣ێ ئابیشا پێسەو گلێرکوشیی شناسا، ئەڵمانیان، ئێمە سوپاسو ئی ١٣ وەڵاتەیە مکەرمێ پەی خاوەنداریەتییشا، یادتا مارووە: شەنگاڵ گەرەکشا خۆسەری وێش، هەڵای یاگێ شەنگاڵی کە پەی پارێزنای و دماڕۆو ئێزدییەکا گرنگا لاو حکومەتو عێراقی و فیدراسیۆنو کوردستانیوە قبوڵ نەکریان."