شەۋێ ۋیەردێ جە شارو برایتۆن-ی کە سەر شانشینو بەریتانیا-یەن، کۆنگرەو یەکێتیی سەندیکا کرێکاریێ و بازرگانیەکێی (TUC) ئا شانشینەیە ڕێکۋزیا و جە میانشەنە ئازادی ڕابەر عەبدوڵا ئۆجالانی وپەرسەو کوردی ئاژێ سەرەکیێ بێێ. 
هەزاران بەشداربیێ کۆنگرەکەی بە یەکدەنگ و بە بەرزکەردەی لافیتێ، پۆستەرێ و ۋێنەکێ ئۆجالانی، ۋازیارێ ئازادی ڕابەر ئۆجالان-ی بێنێ.
هاموەخت بەشدربیەکێ کۆنگرەی جارێۋی تەر پەشتیۋانی ۋێشان پەی پەرسەو کوردی دووپات کەردەۋە و ۋازیارێ بێنێ مافەکێ کوردی بەزوویی دەستەبەرێ ببانە.

یەکێتیی سەندیکا کرێکاریێ و بازرگانیەکێی (TUC) بەریتانیای، ٥۰ سەندیکێ جەۋێ مەگێرۆنە و نمایندەیی ٥ ملیۆنێ و ٦٠٠ هەزارێ کرێکارێ و زەحمەتێکشێ بەریتانیای مەکەرۆنە. یەکێتییەکە جە ١٨٦٨ـەۋە مەرزیانەرە و جە بوارە سیاسییێ، ئابوریێ و کۆمەڵایەتیەکانە کاریگەریش فرەش سەرو حکومەت و دەسەڵاتداری و گلێرگەی بەریتانی هەن.

 یەکێتیی سەندیکا کرێکاریێ و بازرگانیەکێی (TUC) بەریتانیای یەکەم جارش نییەن ۋازیاری پە ئازادی ئۆجالانی نیشانە مڎۆنە و پەشتیۋانی جە پەرسەو کوردی مەکەرۆنە، جە ۋیەردەنە جە کۆنگرە، کۆنفرانس و چالاکییەکانشەنە هەمیشە هەمان داۋاکاری و ۋازیاری و پەشتیۋانیش نیشانە دان.