کۆنگرەو نەتەوەیی کوردستانی - کەنەکە سەبارەت بە گۆشەگیرکەردەی ڕێبەر عەبدوڵا ئۆجالانی و مانگێرتەی و چالاکییەکێ کە دژ بە گۆشەگیریەکەی ئەنجامێ مدریانە ۋەڵاۋکریاش دان و ئاشکراش کەردەن: "مشیۆم لایەنە پەیوەندیدارەکێ کار پەی کۆتایی ئاۋردەی بە گۆشەگیریەکەی بکەرانە و داۋاکاری چالاگەرەکان قبوڵ بکەرانە کە دژ بە گۆشەگیریەکەی مانشان جە واردەی گێرتەن".

کەنەکە دەستنیشانش کەردەن: "دلێ زیندانەکانو تورکیایەنە چەندین مانگێن هەزاران بەندکریێ سیاسیێ دژ بە گۆشەگیرکەردەی بەڕێز ئۆجالانی بە شێۋازی بێۋادە مانشان جە واردەی گێرتەن، ۋەرۆ ئانەیە وەڵام نەدریێنێۋە، تا ئیسە ۷ بەندکریێ کە ٤شان ژەنیەنێ بە چالاکیێ گیانبازیێ شەهیدێ بیێنێ. هەرپاسە جە ئەڵمانیا هاموڵاتیێۋ بە هەمان شێۋە شەهید بییەن. ئێمە پێسەو کۆمیتەو مافو مرۆڤو کەنەکەی داۋا جە سەرجەم بەندکریایە سیاسییەکان و گرد کەسێ مەکەرمێنە؛ کۆتایی بە چالاکیی گیانبازی باۋەرانە و ئەی جۆرە چالاکییە ئەنجام نەڎانە".

کەنەکە داۋاش جە لایەنە پەیوەندیدارە میاندەوڵەتی و میانەتەوەیەکان و ڕێکۋزیا کوردی و جیهانیەکان بە تایبەتی سی پی تی کەردەن، تا دژبەری گۆشەگیری ئیمرالی بکەرانە و پەی کۆتایی ئاۋردەیش هەوڵی جددی بدانە، چونکە گۆشەگیریەکە پێچەوانەو ماددەکانو ١، ٢، ٣، ٥، ٩، ١٠، ١٩ و ٣٠-و جاڕنامه‌و گەردونی مافه‌كانو مرۆڤه‌یەن. ئەشکەنجەدای جەستەیی و دەروونی بە شێۋازی ڕێکۋزیا جە زیندانەکانە بە ئاشکرا پاشێلکەردەی جارنامەکەی و شکۆو مرۆڤیەن. سەرەڕاو داۋاکەردەی پەی کۆتایی ئاوردەی بە گۆشەگیری و قبوڵکەردەی داۋاکاری بەندکریاکان، داۋاچ مەکەرمێنە بەزوویی سەرجەم بەندکریێکێ ئازادێ کریانە.