بەپێی هەواڵێکی تۆڕێکی مافەکانی مرۆڤی کوردستان موحسین قادر رەش و ئومێد قادرنەژاد خەڵکی گوندی "حاجی حەسەن شامات"ی میاندواو بە هۆی بەشدارییان لە مەراسیمەکانی نەورۆز سەرەتا لە رێگەی تەلەفونەوە بانگهێشتی ئیتلاعاتی سوپای پاسداران کراون و دواتر دەستبەسەر و رەوانەی زیندانی شارەکە کراون.

لەماوەکانی رابردوودا بە هۆی بەڕێوەبردن و بەشداریکردنی لەمەراسیمەکانی نەورۆز، هێزە ئەمنییەکانی دەوڵەتی ئێڕان دەیان چالاکوانی رۆژهەڵاتی کوردستانیان دەستبەسەرکردووە.

ئەمساڵ بەشێوەیەکی بەرچاو و جەماوەری نەورۆز لە سەرجەم ناوچەکانی رۆژهەڵاتی کوردستان بەڕێوەچوو.

هـ . ب