دیداره‌كانی شاندی ئاشتی بۆ پاراستنی كوردستان به‌ حه‌وت كه‌سه‌وه‌ كه‌ له‌ ئه‌وروپاوه‌ دامه‌زراوه‌، بۆ گفتوگۆكردن له‌ باره‌ی هێرشه‌ داگیركارییه‌كانی ده‌وڵه‌تی تورك چووه‌ باشووری كوردستان و له‌گه‌ڵ پارته‌ سیاسیه‌كان و لایه‌نه‌ جیاجیاكان دیدار ده‌كات.

شانده‌كه‌ دوێنێ له‌گه‌ڵ پارته‌كانی په‌رله‌مانی باشووری كوردستان كۆبووه‌وه‌، دواتر دیداری له‌گه‌ڵ كۆنگره‌ی نه‌ته‌وه‌یی كوردستان (كه‌نه‌كه‌) و نوێنه‌رایه‌تی پارتی دیموكراتیكی گه‌لان (هه‌ده‌په‌) ئه‌نجامدا.

شاندی ئاشتی بۆ راگرتنی هێرشه‌كانی توركیا ئه‌مڕۆش دیداره‌كانی خۆی درێژه‌پێدا، له‌گه‌ڵ یه‌كگرتوو، نه‌ته‌وه‌یه‌كگرتووه‌كان و كۆمه‌ڵی دادگه‌ری كۆبووه‌وه‌.

له‌ دیداره‌كاندا باس له‌ توڕه‌یی له‌ هێرشه‌ داگیركاریه‌كانی ده‌وڵه‌تی تورك كه‌ هه‌بوونی نه‌ته‌وه‌یی كورد ده‌خه‌نه‌ مه‌ترسییه‌وه‌، كرا.

شانده‌كه‌ له‌ سلێمانیش درێژه‌ به‌ دیداره‌كانی ده‌دات.

هـ . ب