محەمەد بیردال ئەندامی ئەنجومەنی گشتی پارتی دیموکراتی گەلان (هەدەپە) لە ئاگری کە بەهۆی بازرگانیەوە لە ئێران دەستگیرکراوە و ١٦ ساڵ سزای زیندانی بەسەردا سەپێندرا دەستی بە چالاکی رۆژوی مردن کرد.

بیردال بە بانگەشەی 'ئەندامێتی پەژەژە و پاژک'، 'هاوکاری بۆ پەکەکە' ، 'هاوکاری لەگەڵ دوژمنان' ، ' بانگەشە بۆ رێکخستن' و ' مەترسی لەسەر ئاسایشی نەتەوەیی' تۆمەتبار کراوە.

بیردال لەبەرانبەر پێشێلکاریەکان لە زیندانی ماکۆ دەستی بە چالاکی رۆژوی مردن کرد.

بیردال لە رێگەی خانەوادەکەیەوە لە زیندانی ماکۆوە نامەیەکی نارد و رایگەیاند کە لێوەکانی دوریوە و بەم شێوەیە دەستی بە رۆژوی مردن کردووە.

خانەوادەی بیردال داوای لە رای گشتی کرد کە لێکۆلینەوە لە پرسی بیردال و فشارەکانی دەوڵەتی ئێران بکەن.

ف.ق