ڕا نمەڎریۆ نێرگس محەمەدیە زیڼانەنە چارەسەری پزیشکی هۆربگێرۆ
دۆڵەتو ئێرانی ڕا جە چارەسەرهۆرگێرتەی پزیشکی زیڼانیەی سیاسیۍ نێرگس موحەمەدیۍ مگێرۆ، بنەیانەکەش داواشا جە رێکوزیاکا مافو مرۆڤی کەرڎ، سەرو ئا مژاریە هەڵوێسشا بۆ.
بنەیانەو نێرگس موحەمەدیۍ ئەرەیاۋناشا، جە گێرتەخانەو ئێڤینینە ڕا بە نێرگس موحەمەدیۍ نمەڎریۆ سەر ۋنەو خەسەخانەی بڎۆ، ماچا، داوا جە ۋەرپەرسا رێکوزیاکا مافو مرۆڤی مکەرمۍ شۆنیرەلوای پەی ئا پەرسەیە بکەرا.
بنەیانەو نێرگس موحەمەدیۍ سەبارەت بە ئاژەو نامبریۍ جە ئەرەیاۋنێوەنە پی جۆرە زانیاریشا وست ڕووە.
جە ئەرەیاۋناکەینە ئامان کە، بەپاو دەسنیشانکەردەی و گوزارشتەو دکتۆری پسپۆڕو زېڵۍ قەرار بۍ چی مانگێنە نێرگس محمەدیە پەی وشکنای تەری سەردای خەسەخانەی بکەرۆوە، ئاژەو تەندرووسیش خاس نیا، بەڵام جە لایەنو ۋەرپەرسا گێرتەخانەو ئێڤینیۆ ڕاش ۋنەگیریێنە.
ئاماژە پانەیچکریان کە، بە قسۍ دکتۆرەکەو نێرگس موحەمەدیۍ قەراردریان دەمودەس عەمەڵش پەی ئەنجام بڎریۆ.
ماچا، جە دژو کۆسپەکا مردمێوە و داوا جە ۋەرپەرسا رێکوزیاکا مافو مرۆڤی مکەرمۍ شۆنیرەلوای پەی ئا پەرسیە بکەرا.
