ڕاپیمای درێژ مەودای جە چوارچېوەو هەڵمەتۊ "ئازادی پەی عەبدوڵا ئۆجالانی، چارەسەری پەی پەرسو کورڎی" بە سەرمەشقایەتی ژڵېوەکا جوانا کورڎی و جوانا ئینتەرناسیونالیستی، ڕۊی دوەمەنە بەردەواما. جوانەکۍ وەڵێ ئانەی جە ناوەندو شارو هامینە دەس بە ڕاپیمای بکەرا، وەردەمو وێستگەو قیتارینە هۆرپڕایشا کەرد و نامیلکېشا جەبارەو سیستەمو گۊشەگیری و قڕکەرڎەو ئیمراڵیۊ واناوە.

جوانا تەئکیدشا کەردۆ، کە تاکو بەدیئامای ئازاڎی جەسەیی ڕابەرو گەلو کورڎی عەبدوڵا ئۆجالانی و کورڎەسانی ئازادی، پاگیرێنۍ سەرو درېژەدای بە ئەرەکۊشای. خەڵکو دەوروبەری بەگەرمی پېشوازیشا جە چالاکییەکەو جوانا کەرد.

چالاکییەکەنە وەڵاکریېوەکی چەربارەو گۊشەگیری ڕابەرو گەلو کورڎی عەبدوڵا ئۆجالانی بەخشیېوە.

دماتەر جوانەکۍ بە درووشمەو "بژیۋۊ سەرۆک ئاپۆ" و "بێ سەرۆکی ژیۋای نمەبۊ"سەرو جاڎەکا هامیۆ ڕاپیمایشا کەرد.