ئەرەکۆشای ئازادی گەلو کوردی سەڎان ساڵێن بەردەواما، ڕاو ئی ئەرەکۆشایە پەڕا جە سەختی و نشێوی. تاریخو ئەرەمەرزیارەو پەکەکەی بە ئایدیاکا ڕابەر ئاپۆی بییەن بە خاڵێوە قەوەتەو ئی ئەرەکۆشایە، بە گێڵایۆ پەی تاریخو کوردی و بنیاڎنیای ئایندەو گەلو کوردی بییەن بە خاڵەو 'ئەرەکوایرەو' شۆڕشەکا گەلو کوردی. بەماناو ئانەی کە پەکەکە خاڵەو چڕبیەیۆ و تازەبیەی ئەرەکۆشاو گەلو کوردین بە لوای دلێ دەرونو گلێرگەو کوردیی. ئینەیچ پاسەش کەردەن هۆشمەندیێ وەش بکەرۆ و بۆ بە هۆشمەنڎی دەسە کۆو کۆمەڵایەتی گەلو کوردی. ئی ئەرەکۆشایە ڕۆمانە داستانێن پەی عەشقی، حەقیقەتی و ئازادی.

ڕۆمانەو ژیوایۆ جە وڵاتو ڕۆژ-ئامارای هەنگامۊو دەسپنەکەردەو  گێڵنایۆ ئی داستانەینە کە جەلایەنو محمەد سەعید ئوچلو بە ڕەنج و هەستیاریێ وەرفراوانۆ ئامادەکریان. ئی ڕۆمانە ڕۆمانەو ئەرەکۆشایی پەکەکەی و ڕابەر ئاپۆین. سەرەتێوەن پەی گێڵای پنت بە پنتو ئەرەکۆشای بە وردەکاریێوە وەرفراوانۆ جە هەر یەرە بەشو ڕۆمانەکەینە شایەتۍ ئی داستانە ژیواییە مکەرمێ.

ڕۆمانەکۍ بە پەشتگیری مېیانو وەشانو مەیمانی کریان بە زوانی کوردی، جە ئیسەنە بە زوانو ئەڎایی کوردی جە گردو ناوەندەکا گلێرگەو کوردی دیموکراتیکی جە ئەوروپانە، مێزەو چالاکی و فیستیڤاڵەکانە، هەرپاسە سەرو ماڵپەڕو مېیانو وەشانو مەیمانی و کتێبخانەینە ئینا وەردەسەنە.