ڕاپیمای درێژمەودا کە جە ٢١و کانوونو دووەمینە جە چوارچێوەو هەڵمەتۊو "ئازادی پەی عەبدوڵا ئۆجالانی، چارەسەری سیاسی پەی پرسو کورد"ینە جە شارو لۆریانی فەڕەنساینە دەسش پنە کەرڎ، جە ٩یەمین ڕۆشەنە جە شارو مێلۆنی فەرەنساینە بەردەواما.

چالاکا ڕاپیماکەی جە وێستگەو قیتارو شارو مێلونینە چنی کوردی و دۆساشا گلېرۍ بیێوە و سەبارەت بە ئامانجەکا ڕاپیما درێژ مەوداکەیشا و داواکارییەکاشا وەڵاکراوێوەشا وەڵا کەرڎۆ.

جە وێستگەکەنە ڕاپیمایشا دەسپنەکەردۆ و کوردەسانیا و دۆساشا بەشداریی چالاکییەکەی بێنۍ.

جە مېیانو ڕاپیماکەینە دروشمەکۍ "ئازادی پەی ڕابەر ئاپۆی"، "بژیۋۆ ڕابەر ئاپۆ"، "بژیۋۆ مڎرامانوو ۋەرنیشتی" و "بژیۋۆ مڎرامانوو قەسەدەی" وچیێوە و چالاکا وەڵاکراوێشا بەشێکەردۍ. ڕاپیماکەی سەرەڕاو واران وارایۍ فرەی بە جۆش و خرۆشێوە فرۆ بەردەوام بی.

چالاکا جە مېیانەو ڕاپیماکەینە ئی پەیامەشا ئەرەیاۋنا: "تا رابەر ئاپۆ ئازاد نەکریۆ ئێمەیچ ئازادۍ نمەبیمۍ، پۊکەی پەی ئازادیی ۋێما جە جاڎەکانە بیمۍ و درێژە بە چالاکییەکاما مڎەیمۍ". هەرپاسە داواو بەشدارییشا جە چالاکییە جەماوەرییەکەو ١٥و شوباتینە کەرد کە قەرارا جە ستراسبۆرگەنە بلۊڕاوە."