ڕاپیمای ماوەدرێژوو ئینتەر ناسیۊنالیستەکا دماییش ئاما
ڕاپیمای ماوەدرێژوو ئینتەر ناسیۊنالیستەکا کە بۊنەو ئازاڎیی رابەروو گەلوو کورڎی "عەبدوڵڵا ئۊجەلان" یوە دەسش پەنە کەرڎەبۍ، چوارەم ڕۊنە دماییش ئاما.
بۊنەو ئانەیۊ کۊبییەیۊکەو "ستراسبورگ"ی وەروو بومەلەرزەکەی ورشنیاوە، ڕاپیمای ماوەدرێژوو ئینتەر ناسیۊنالیستەکایچ ڕۊو چوارەمینە دماییش ئاما.
چالاکە ئینترناسیۊنالیستەکۍ کە بەشڎارۍ ڕاپیماکەی بێنۍ، قەرارا ئارۊ بلا شاروو "فرایبۊرگ"وو ئەڵمانیای و چەنی لەقوو گەنجاو ئەڵمانیای کووۍ باوە.
ڕاپیمای ماوەدرێژوو ئینتەر ناسیۊنالیستەکا جە ڕۊو چوارەمینە، جە شاروو "گێرلافینگەن"وو کانتۊنوو "سۊلۊسۊرن"وو سویسراینە، دەسش پەنە کەرڎ. چالاکەکۍ کە جە شاروو "ویدسباچپشو"یشا دا، ڕاپیماکەیشا شاروو "ئۊسینگن"ینە دمایی پەنە ئارڎ.
ئینترناسیۊنالیستەکۍ کە چاگە چەنەدوایشا دا، باسسا چانەیە کەرڎ، کە بە بوومەلەرزە کورڎستاننە هەزاران کەسۍ مەرڎێنۍ و پەوکای ڕاپیماکەی دمایی پەنە مارا. ئاماژەیچشا پانەیە کەرڎ، کە شاروو"فرایبۊرگ"وو ئەڵمانیاینە چەنی جمیەروو گەنجە شۊڕشگێڵنا (تەجەشە) و جمیەروو ژەنە کۊشیایا (تێکۊژن) کووۍ باوە و ئەرەیاونایشا بۊ.
هـ . ب
