شارو ئەسینای پایتەختو یۆنانی کوردەسانیێ و دۆسا گلێرێ بیێوە و بە چالاکیێ جەماوەری ٤٦ەمین ساڵڕۆو ئەرەمەزنارەو پەکەکەیشا موبارەک کەرد.

موبارەک باییەکە سەرو تەپو سترێفی جە مېیانو شارەکەینە ئەنجامدریا و بە نامێ مېیانو جەمەو دیموکراتیکی کوردی (نەجەدەکە)ی جە ئەسینا مەزڵوم ئامەد قسێش کەردۍ و ئەرەیاوناش: "ساڵڕۆو ئەرەمەزنارەو پارتەکەیما جە گرد یاگێنە بە جۆش و خرۆشۆ موبارەک مکەرمێ. جەژنەو پارتەکەیما سەرەتا جە ڕابەر ئاپۆی، گردو هەمڕایا، گەریلاکا، ژەنێ و جوانا موبارەک مکەرمێنە. گردو گەشمەرڏاما بە رێز، وەشەویسی و پنەزانایۆ ویرمارمێوە".

موبارەک باییەکەنە هونەرمەنڎا سیمار و ئیبۆ قامیشلۆ موبارەک بایشا جە ڕابەر ئاپۆی، پەکەکە، گەریلاکا کوردەسانی، وێ ڕاگرا زینانی کەرد و گۆرانییەکێشا پێشکەش کەردێ.

مەراسیمەکە بە واتەیۆ سرود و گۆرانیۍ، هۆرپڕای و واتەیۆ دروشمۍ دمایش پنە ئاما.