ۋەرپەرساو فەرمی جە شارو مەلەتی ئەرەیاۋناشا؛ بە مەڵامەتو بومەلەرزەکەیۊ تا ئېسە ھەزارو ٣٨٦ کەسۍ جە شارەکەنە گېانشا جە دەسدان و ٦ ھەزارۍ و ٤٤٤ کەسۍ تەریچ زامڎارۍ بیێنۍ و ھەزارو ١٥٤ بېناو باڵەخانۍ وڕێنۍ.
بومەلەرزەکەو ٦ و شوباتی، کە ناۋەنڎەکەش مەنتېقەو بازارجخو سەر بە مەرەشی بۍ، تەئسېرش سەرو مەنتېقەکاو " سەمسوور ، مەلەتی ، ئامەد ، ڕحا ، دیلۊک ، خارپێت ، ھاتای ، ئەدەنە ، کېلس ، عوسمانیە "ی کەرڎ. بە واچەو ۋەرپەرساو مەلەتی تا ئېسە ھەزارو ٣٨٦ کەسۍ جە شاروو مەلەتی گېانشا جە دەسدان و ٦ ھەزارۍ و ٤٤٤کەسێچ زامڎارۍ بېێنۍ. ھەزارو ١٥٤ بېناو باڵەخانۍ شارەکەنە وڕێنۍ و ٧ ھەزارۍ و ١٢٩ بېنۍ تەریچ نېشانە کریێنۍ کە زەرەشا ۋنە کۊتەن.
بەپاو ئامارە فەرمېەکا ژمارەو گېان جە دەسدای جە بومەلەرزەکەنە بەرزبېەنۊ و تا ئېسە بە گرڎی یاۋان ٣٥ ھەزارۍ و ٤١٨ کەسۍ و ژمارەو زامڎارەکایچ یاۋان ١٠٥ھەزارۍ و ٥٠٥ کەسۍ. جە ۋەرنېشتوو کورڎسانی و سوریاینە ژمارەو گېان جە دەسدای یاۋان ٥ ھەزارۍ و ٨٠٠ کەسۍ و ژمارەو زامڎارەکایچ ٤١ ھەزار کەسێش ۋیەرنان.
ھ.ش
