هامسەرۊکی گرڎینوو دەم پارتی تونجەر باقرخان سەرنجش وست سەرو وەڵێئامایەکاو سوریای و وەرکۆتو دلېڕاسەی و واتش: " بە واتەواچ چەنی عەبدوڵا ئۆجالانی و دڎاننیای کورڎیرە، چارەسەر مێ دی".
هامسەرۆکی گردینوو پارتوو یەکسانی و دیموکراسیی گەلا (دەم پارتی) تونجەر باقرخان جە کۆبییەیوەی فراکسیۆنوو پارتەکەینە پەرسە ئارۆییەکێشا ورسەننگنێ. تیشکەش وستە سەروو سەرکەوتەی هامپەیمانیی چەپی فەڕەنسانە و واتش ئا وەختە یۆبییەێوە دژوو شەپۆلەو فاشیزمی وەشە مبۆ، ئەنجام بەدەس مارۆ و ئەنجامەکێ فەڕەنسانە پەی ئادیشایچ هومێدبەخشا.
هەرپاسە باقرخان دیدگاو پارتەکەیش وست ڕووە دەربارەو پەرسەکا پێسەو دەسملەرەگێرتەی شارەوانیی جولەمێرگی لاو دەسەڵاتوو ئاکەپەی و مەهەپەیوە، قەیرانی ئابووریی تورکیانە و هۆکارەکاو سەرەوردای قەیرانەکا، هجوومی ئەرەگیرکاریی دەوڵەتوو تورکی و چەتەکاش پەی سەروو وەرنیشتوو کوردستانی و سەرنیشت و وەرکەوتوو سوریائ، دمایین دیدارەکاو وەرپەرساو تورکی بەغدانە و دیمەشقنە و تارانەنە.
باقرخان بەشێوە قسەکاشنە واتش: "زوو یا دێر چارەسەرێوە مێ دی. ئانە کە مگنۆ گەردەنتا ئانەنە با بە بەشێوە جە چارەسەری. چارەسەر دیپلۆماسییەتوو جەنگی نییەن، ئەنقەرەنە و دیمەشق و تارانەنە؛ چارەسەر ئینا ئامەد و کۆبانێ و هەولێر و کرماشانەنە. کورد گەرەکشانە سیاسەتێوە بکەرا پەی یاوای بە مافە دیموکراتیکەکاشا، حەر ئینەیچە بە ئیسفادەو گەلا ممەڕیۆوە.
چارەسەر دداننیایپۆرەین بە ئیرادەو گەلوو کوردی. چارەسەر واتەواچا چەنی بەڕێز عەبدوڵا ئۆجالانی، کە ڕا پەی پێوەژیوای گەلا کەردەن و هەوڵێش دێ پەی چارەسەری. بەڕێز ئۆجالان تەنیا پرسەو کوردینە بەردەنگ نییەن. هاموەخت بە فیکروو وێش، بە تێز و هۆشیارییەکەیش، متاوۆ ئیسفادێوە گەورە بیاونۆ بە ئاشتی یوەرکەوتوو دلێڕاسەینە. بێگومان چی ڕەوشەنە مشۆم واتەواچ واتەواچ چەنی بەڕێز ئۆجالانی بکریۆ پەی چارەسەری، بەشدارییش پەنە بکریۆ جە پرۆسەو ئاشتی و چارەسەرینە".
