تا مۍ ئانە زیاڎتەر ڕۊشن بۊوە، کە هامکارییەکۍ جە ڕاو تورکیا، ئێران و سووریایۊ مەیاوا دەسوو زەرەروەنەکەوتاو بوومەلەرزەکەی و خەڵکیچ ڕووە ئۊو هەڵمەتە باوڕپەنەکریایەکا کەرۊ، وەروو ئانەی هامکارییەکا یاونا دەسوو قوربانییا و ناوەندوو هەدەپەیچ یۊن چا ناوەندە سێقەپەنەکریایا.

پانیشتوو کورڎستانیچ یۊ بۍ چا مەنتێقا، کە هامکارییەکۍ چەنەشنە بەزووی کوۍ کریێنۍ..

هەدەپەیچ بارەگاو وێشنە جە شاروو هەولێرینە کەمپەینوو 'ئێمە چەنیتانمێ'ێش دەس پەنە کەرد و دەسش بە کۊکەرڎەیۊ هامکاریی کەرد.

قەرار بۍ هەڵمەتەکۍ پەی ماوەو حەفتێوە بۊ، بەڵام بۊنەو گەرموگوڕیی خەڵکیوە مانگێوە تەری درێژە کریاوە.

دماو ئانەی وەڵا کریاوە، کە هامکارییەکۍ جە ڕاو حوکمەتیوە مەیواو مەنتێقە کارەساتبارەکا و دەسوو گەلی، ئی جارە گەل زیاڎتەر ڕووەش کەرڎە ناوەندە سێقەپەنەکریایەکا، پەی کۊکەرڎەیۊ هامکاری تا هامکاریەکێشا پێسە وێشا یاوا دەسوو قوربانییا بوومەلەرزەکەی، ناوەندوو هەدەپەیچ یۊن چا ناوەندە سێقەپەنەکریایا، کە گەل سێقەش پەنەشا و هامکارییەکاشا پەی بەرا..

پەشتگیری و سەردایەکا حیزبەکاو پانیشتی و ڕێکوزیایەکا گلێرگەی مەدەنی، پەی هەڵمەتەکۍ هەدەپەی درێژەش هەن.

چا چوارچووەیچنە خەڵک زیاڎتەر دماو ئا بانگەوازیوە ڕووە کەرا ناوەندەکەو هەدەپەی.

س.ز