زینانیا سیاسیی جە گێرتەخانەو ئەوینو تارانی ڤیدا ڕەبانیە دەربارەو ئاژەو نێرگز محەمەدیۍ  و وریشە مورادیۍ نامێوە نووسیاش کیاستەن پەی جبەرو زینانی و چنەشەنە ئاماژە پانەی مکەرۆ کە دژو سزاو جە قەنارەدای وریشە مورادیۍ و نێرگز محەمەدیۍ چنی موتەهەرە گونەیۍ دەسشا بە مانگێرتەی جە واردەی کەردەن.

جە نامەکەنە ئامان: "بەمەڵامەتوو سزاو جە قەنارەدای سەرو زینانیا سیاسی نێرگز محەمەدیۍ و وریشە مورادیۍ و پاشێلکەردەی مافە تەندرووستییەکاشا چنی موتەهەرە گونەیۍ جە ١٩ و نۆوەمبەریۆ دەسما بە چالاکی مانگێرتەی جە واردەی کەرد".

ڕەبانیە ئەرەیاۋناش ۋەرپەرسا زینانو ئەوینی گرنگی بە زامی قورسو نەشتەرگەری و زامە جەسەی و پیسبیەی ژوور و حەمام و نەبیەی خزمەتگوزاری پزیشکی و گرفتەکا تەرو نێرگز محەمەدیۍ نمەڎا.

هەرپاسە ئاماژەش پانەی کەرڎەن، نێرگز محەمەدیە و وریشە مورادیە و زینانییا تەری ۋەرو چەماماوە ئێش موینا و ئاژەی تەندرووسیشا خراپا.