دەفەگە ڕاپۆرتەو وێش بارەو پاشێلکارییەکاو مافوو ئینسانیوە وەڵا کەردۆ.

بە پاو ڕاپۆرتەکێ، بوومەلەرزەکەنە  سەمسورنە، هەر یۆ جە ڕۆنامەنویسا "بوراک ئەلکوش، هیدایەت ئوزدەمیر، ئەسکەندەر کۆرکوت، کەمال ئونەر، محەمەد ئاکان، ڕۆحی ئاکان، یونس ئەمرە دۆغان، زوبەیر پەکتاش، ئیسماعیل حەقی کۆچاک، فاتیح باین، بارش جان تاباکچی. جە هاتای حەرپاسە "ئایشە فیگەنە، بوراک میللی، گۆکهان ئاکلان، عیزەت نازلی، نەشعەت ئالکان، ئەرهان یڵماز، محەمەد تەکین، حەسەن سەعید ئوکتای و بەرکای ئاکای" مەرەشنە و "مستەفا یوزباشیئۆغلۆ، عەزیز چەولیک، فاتیح نالبانتباشی" جە ئەدەنەنە "مەلتەم ئوزگان و لە دیلۆک فاتیمە ئەردۆغان"ە گیانشا جەدەس دان.

ڕاپۆرتەکەنە باسوو ئانەی کریۆ، کە ٢٥ ڕۆنامەنویسێ، بۆنەو ئانەیۆ دێر لوێنێ دەمشاوە و ڕزگارێشا کەرا مەردێنێ.

حەرپاسە ئەرەیاوناش، چەنی ئەرەیاونای دۆخی نائاسایی، هەرمانەو ڕۆنامەنویسی سەختتەرە بیێنە.

درێژەو راپۆرتەکەینە ئامان، " دادگاو سزا قورسەکاو ئەنقەرەی، ٣٤٠ ماڵپەڕێش قەدەغە کەردێنێ. ڕۆنامەو "خۆیبوون"یچ، کە تاکە ڕۆنامەی کوردین تورکیا و ئاژانسوو نوژنهای، کە بارەو ژناوە هەرمانە کەرۆ، چند هەژمارێ تویتەری وزیێنێرە. وەلێم سەرباروو ئی قۆرتایچە ڕۆنامەنویسێ هەرمانەو وێشا کەرا."

بە پاو ڕاپۆرتەکێ مانگەو شوباتینە پەلامارەو ١٤ ڕۆنامەنویسا دریێنە و ٤ ڕۆنامەنویسێ گیریێنێ، بەگولی مامەڵە چەنی ٥ ڕۆنامەنویسا کریان، ڕاگێری جە ١٩ ڕۆنامەنویسا کریان و چەنەپەرسایۆ جە ٦ ڕۆنامەنویسا کریان.

س.ز