کۆنفرانسو پەرلەمانتارا ژەنە کوردا کە بە سەرمەشقایەتی جمیەرە و ژەنا ئازاد(تەژەئا)ی  جە شارو ئامەدینە لوا ڕاوە، دمایش پنە ئاما. کۆنفرانسەکە دووێ ڕوێن بە وتارە و وەڵاکەردەیۆ وتارێ دمایش پنە ئاما،.

 وتارە و دیماینە و کۆنفرانسەکەی جەلایەن و چیگدەم کلچگون ئوچارێوە، هامسەرۆکە و گرڏی دەبەپەی پێشکەش کریا. کلچگون ئۆچارە جە دژو سیستەمو سەرمایەداری پیاسالار پەیامێوە ڕۆشنش ئەرەیاونا و واتش: "ئێمە و ژەنا چارەنووسو ئی سیستەمەیە دیاری مکەرمێ."

چیگدەم کلچگون ئۆچارە ئانەیشش ئەرەیاونا کە ئازادی ژەنا بە شێوێ سیستماتیک زەوت کریان و واتش: "سیستەمو سەرمایەداری پیاسالار ئازادییەکا ژەنا پاشێل مکەرۆ. هەڵای ژەنی جە تورکیا و وەرکەوتوو دلێڕاسەی بە شێوێ یەکسان مەوینریا. بەڵام ئێمە دژو ئی سیستەمەی مدرمێوە. ئەر لایەنگرو ئازادی و دیموکراسیندێ، مشۆم سەرەتا دۆخو ژەنا چارەسەر بکەردێ."

چیگدەم کلچگون ئۆچارە بە ئاماژەدای بە ئەوەکۆشای ژەنا ئەرەیاوناش کە ئی هێزە گلێرگەی فاڕۆنە و واتش: "ئێمەو ژەنا ڕاسی و ڕۆشنا کەرەوەو گلێرگەینمێ،

چیگدەم کلچگون ئۆچارە جە بەشو دماین و قسەکاشەنە، ئاماژەش بە بانگەوازو "ئاشتی و گلێرگە و دیموکراتیک"و ڕابەر ئاپۆ کەرد و بە ئاماژەدای بە ڕستێوە کە ڕابەر ئاپۆ واتەبێش "پەرسەو ژەنا جە پەرسە و کوردا گۆرەتەرەنە. ئەر ژەنی ئازادێ نەکریانە گلێرگەیش ئازاد مەبۆنە"، ئەرەیاوناش کە ئاڏێ ڕێبازێوە چا جۆرەی قبوڵ مکەرا .

"ئێمە قسەکێ ئێژا ئۆجالانی بە بنەماو گرڏو هەرمانەکاما هورگێرمێ. حەر پێسە ئێژا ئۆجالان ئەرەیاونانش؛ 'ئەر ئاشتی جە سەرنیشتە بەرقەرار بۆنە، ئاشتی جە پانیشتیش جێگیر بۆنە. ئەر ژەنی جە پانیشتەنە ئازادێ بانە، جە سەرنیشتیش ژەنی ئازادێ بانە'. ئێمە ئی ئەوەکۆشای و دەسکەوتە هامبەشا پەرە پنە مرەیمێ."