سەرۆکی فەرماندەیی گشتی ئێران: ئەگەر ئیسرائیل جارێکی دیکە هێرش بکات، ئەمریکاش ناتوانێت ڕزگاری بکات
سەرۆکی فەرماندەیی گشتی ئێران عەبدولڕەحیم موسەوی گوتی: ئەگەر ئیسرائیل جارێکی دیکە هێرش بکاتە سەر ئێران، تەنانەت ئەمریکاش ناتوانێت نەتانیاهۆ ڕزگار بکات."
سەرۆکی فەرماندەیی گشتی ئێران عەبدولڕەحیم موسەوی لە پەیامێکی دا ئاماژەی بە هێرشەکانی ئیسرائیل کرد لەسەر ئیران.
بە پێی پەیامەکەی موسەوی هێرشەکان بۆ سەر ئێران بەشێکە لە پلانێکی درێژخایەن و گوتی: "دوژمنان ١٥ ساڵە بۆ ئەمە شەڕە کە بەسەر ئێمەدا سەپاندویانە پلانیانیان داناوە. لە ناوخۆی ئێراندا خەڵکیان پەرەوردە و ڕێکخستنیان کردوە. پلانیان بۆ ڕووخاندن و دابەشکردنی ئێران دانابوو، بەڵام میللەتی ئێران سەرکەوت."
عەبدولڕەحیم موسەوی هەڕەشەی لە ئیسرائیل کرد لە ئەگەری هێرشێکی دیکە بۆ سەر ئێران و گوتی: "ئەگەر جارێکی دیکە هێرش بکەنە سەر ئێران، ئەوکات دەبینن چی دەکەین. تەنانەت ئەوکاتە ئەمریکاش ناتوانێت نەتانیاهۆ ڕزگار بکات."
