داڎگاو فېدراڵی عێراق-ی جە ئەرەنېشتەو ئارۊیشەنە جە بارەو درێژکەرڎەیۊ ماۋەو عمرو ئی خولەو پەرلەمان و ھەرێموکورڎسانېۊ قەرارش داو ئا درێژ کەرڎەیۊش بە نایاسایی جە قەڵەم دا.

داڎگاو فېدراڵی عێراق-ی جە بارەو درێژکەرڎەیۊ ماۋەو پەرلەمان و ھەرێموکورڎسانی و  درێژکەرڎەیۊ ماۋەو ئی خولەو کابېنەو حکومەتو ھەرێمو کورڎسانېۊ  قەرارش دا کە ئا درێژ کەرڎەیۊ نایاسایېن.

ھەریۊ جە " سروە عەبدولواحید ئەنڎامەو پەرلەمان و عێراقی و شاسوارعەبدولواحید سەرۊکو جوڵانەوەو نەوەو نوۍ و یوسف محمڎ ئەنڎامو خولو ۋەڵېن و پەرلەمان و عێراقی و

کاوە عەبدولقاڎر ئەنڎامو پەرلەمان و کورڎسانی جە بارەو درێژکەرڎەیۊ ماۋەو خول و بێستاو پەرلەمان و ھەرێمو کورڎسانېۊ دەعواشا جە داڎگاو فېدراڵی تۊمار کەرڎەبۍ.

جە ڕۊو ٦و تشرینو دوۋەمو ٢٠٢٢ ماۋەو یاسایی پەرلەمان و ھەرێموکوڎسانی دمایش پنە ئاما، دماتەر عمرو پەرلەمانی و حکومەتی پۍ ماۋەو ساڵۍ درێژ کریاۋە بەپاو ئی قەرارەو داڎگای فېدراڵی جە بێستانە (ئېسەنە) حکومەت و پەرلەمان ھەرمانەکێشا نایاسایێنۍ.

سەرۊکو ھەرێمو کورڎسانی نێچېرڤان بارزانی جە ٢٤ و شوبات و ٢٠٢٢ نە بە قەرارێۋە  ١ و تشرېنو یەکەمو ٢٠٢٢ ش پێسە ڕۊو ھۊرچنېاو پەرلەمان و ھەرێمو کورڎسانی دیاری کەرڎە بۍ، ۋەلێم دماتەر ماۋەو پەرلەمانی درێژ کریاۋەو ڕۊو لۋای ڕاۋەو ھورچنېایچ دیاری نەکریا.

ھ.ش