داعش جە شارۊچکڵەو قەرەتەپەی نزیکە جە خانەقېنی ھجومش ئەنجامداو کەسێۋە کوشیا
چەتەکۍ داعشی جە خانەقېن ھجومشا کەرڎ سەرو شارۊچکڵەو قەرەتەپەی و جە ئاکامشەنە کەسۍ کوشېا. جە بەغڎایچ ٣ چەتۍ داعشی گېریۍ.
بەپاو زانېاریەکا جە شارۊچکڵەو قەرەتەپە و خانەقېنی جە پارێزگاو دیالەی چەتەکۍ داعشی ھجومشا کەرڎ سەرو ماساو گێرەکا.
ئەرەیاۋیا کە ھجومەکە پۍ سەرو بەحرو حەمرینی ئەنجامدریان و جە ئاکامشەنە کەسۍ کوشېان و کەسۍ تەریچ زامڎارا بېەن.
جە شارو بەغڎای ٣ چەتۍ داعشی گېریۍ:
ھامۋەخت جە شارو بەغڎای پایتەخت و عێراقی-چ ئۊپەراسېۊنێۋە جە دژو چەتەکاو داعشی ئەنجامدریا.
دەزگاو ھەۋاڵگری عێراقی ئەرەیاۋناش؛ جە ئاکامو ئۊپەراسېۊنەکەیەنە ٣ چەتۍ داعشی گېریێنۍ.
ھ.ش
