ئەرەنېشتێۋە مەنتېقەو جندرێسی ئەرەیاۋناش؛ کە دۊڵەتو ترکی ئەرەگېری ڕا جە پڕایۊ ھامکاری پۍ دلۍ مەنتېقەو جندرێسی گێرۊنەو ۋاتش" زیاڎ جە ٧٠ یانا بەتەمامی وڕێنۍ و تېمەکۍ بە دەمۊ لۋایچ مەتاوا بەیا دلۍ مە نتېقەکەی.
بەپاو زانېاکا سەرچەمێۋە دلۍ مەنتېقەکەی جە مەنتېقەو جندرێسو ھەرێمو عەفرینی ئەرەگېرکریاینە زیاڎ جە ٧٠ بېناو یانۍ وڕێنۍ و تېمە فریاگوزاریەکێچ ڕەوانەو ئا یاگۍ نەکریێنۍ.
بەپاو سەرچەمەکەی، زیاڎ جە ١٥٠ ھامۋڵاتیا کورڎۍ ڕەسەنو عەفرینی جە مەنتېقەو جندرێسی چێرو بېنا وڕایەکانە گیانشا جەدەسدان و ڕەنگە ژمارەکە فرەتەریچ بۊنە و فرەو ئا کەسا کەڕزگار کریێنۍ جە نەتەوەو عەرەبېەنۍ کە دماو ئەرەگېرکەرڎەو عەفرینی چا شارەنە ئەرە نېشتە کریێنۍ.
بەپاو سەرچەمەکەی، تەرەفە ئەمنېەکۍ سەربە دۊڵەتو ترکی ڕامەرانۍ مەدیاکارەکۍ بلانە دلۍ نەۋەشخانەو عەفرینی. مۊبایلشا جە پەرستارو دکتۊرەکا ورگێرتەن و ڕامەڕا جە نەۋەشخانەکەنە بلا بەرۊ. زیاڎ جە ٤٠٠ جەنازا نەشناسیۍ ئېنۍ نەۋەشخانەکەنەو تا مۍ ژمارەشا فرەتەر بۊ.
ھەر بە واچەو ئا سەرچەمەیە، دۊڵەتو ترکی ئەرەگېری ۋەرگېری جە لۋاو ھامکاریەکا پۍ مەنتېقەو جندرێسی کەرۊ. تەنانەت نمازۊ ئاوی و پێویسیە ئەساسیەکۍ بلانۍ دلۍ مەنتېقەو جندرێسېۊ، ھەر پاسە بارەگا سەروازیەکۍ سوپاو ترکی ئەرەگېری جە مەنتېقەو جندرێسی، چڕیەکاو گەلی پۍ ھامکاری ڕەڎکەراۋە.
بەپاوزانېاریەکاو سەرچەمەکەی شەۋەی ۋیەرڎۍ ترۊمبێلە فریاگوزاریەکۍ جە مەرزو باب ئەلھەوای-ۊ پڕێنۍ پۍ دلۍ شارو عەفرینی. ۋەلۍ ۋەختۍ بە مەنتېقەو جندرێسینە ۋیەردێنۍ تڕۊمبێلەکۍ جە لایەنو چەتەکاو سەر بە دۊڵەتو ترکېەیۊ دەسشا سەرەرە گېریانو ئا ھامکاریۍ کە پۍ گەلی ئامۍ بێنۍ دزیێشا.
ھ.ش
