ھەپەگە ئەرەیاۋناش؛ کە سوپاو دۊڵەتو ترکی ئەرەگېری بە دەیان جار بە بۊمبەی فسفۊڕیە ھجومش کەرڎ سەرو مەیڎانەکاو مدرامانو گەریلای و گەریلاکۍ ئازاڎیی کورڎسانېچ پۍ پارێزناو ۋێشا جە دوۋۍ مەنتېقێنە ناچار بە جواب دایۊ کریۍ.
جە ئەرەیاۋناو ناۋەنڎو یاۋنەری و چاپەمەنی ھەپەگەینە ئامان، سوپاو ئەرەگېرو ترکی بە بەکارئاورڎەو تۊپەی فسفۊڕی تاۋانەو جەنگی ئەنجام مڎۊنە. ئا مەیڎانۍ کە ھێزەکۍ ئێمەش چنەنۍ ٨٤ کەرەتۍ بە تانک، کاتېۊشا، چەکی قورس بۊمب ۋاران کریێنۍ. حەرپاسە مەیڎانەکۍ مدرامانی ٣٥ کەرەتۍ بە تۊپەی فسفۊڕە تۊپ ۋاران کریێنۍ.
جە ئەرەیاۋناکەنە پی جۊرە زانېاری وزیان ڕوۋە:
جەھەرێمو زاپیەنە؛
ڕۊو ٢٥ شوباتی ئەرەگېرەکۍ ھجومشا کەرڎ سەرو ھێزەکاما جە مەیڎانو مدرامانو کەش و جودی، ھێزەکێما بە مەبەسو ۋۍ پارێزنای ناچارۍ بێنۍ بە چەکی قورس ۋەڵامو ھجومەکەی بڎاۋە.
ڕۊو ٢٦ شوباتی سەعاڎ ١٢:٤٠دەیەقۍ جە ناحیەو شېلادزۍ و ئامێدی ئەرەگېرەکۍ ھجومشا کەرڎ سەرو سەنگەرەکا مڎرامانېما جە دۊرو بەرو مەیڎانو چەمچۊی. ھێزەکێما پۍ پارێزناو ۋێشا بە چەکی قورس جواب و ئەرەگېرەکاشا داوە.
ھجومەکۍ سوپاو ترکی ئەرەگېری بە بۊمبی قەڎەغەکریا:
ڕۊو ٢٦ شوباتی جە ناحیەو شېلادزۍ و ئامێدی سەنگەرەکۍ مدرامانی نزیک بە دەگاو سېدای ٣٥ کەرەتۍ بە تۊپەی فسفۊڕە تۊپ ۋاران کریۍ.
ھجومەکۍ سوپاو ترکی ئەرەگېری:
ڕۊو ٢٦ شوباتی جە مەیڎانو مدرامانو کەش و جودی و دۊرو بەرو دەگاو سېدای و مەیڎان و چەمچۊ و ناحیەو شېلادزۍ و ئامێدی سەنگەرەکۍ مدرامانی ٨٤ کەرەتۍ بە کاتېۊشا، تانک، چەکی قورس بۊمب ۋاران کریۍ.
ھ.ش
