) فیڎراسیۊنوو کرێکارا و کۊچبەراو ئەورووپای (ئاگیف AGÎF کۊنفیڎراسیۊنوو کۊچبەراو چەوسیاوا ئەورووپای (ئاڤەنگ – کۊن  AvEG-Kon) چاڎرەو کۊکەرڎەیۊ هامکارییشا لە شاروو کۊڵنوو ئەڵمانیاینە پەی وەنەقۊمیایا بوومەلەرزەکەی، بە دروشموو "بوومەلەرزە نا،  بەڵکوم ڕانیت کوشۊ" نیارە، وەلێم گرووپێوە فاشیستۍ، کە کۊکەرڎەیۊ هامکارییشا پەی وەنەقۊمیایا پەنە قبووڵ نەکریا، هجوومشا کەرد سەروو چاڎرەو هامکارییەکەی.

فاشیستەکۍ یوەم جار بە دەمی و بە قسۍ هجوومشا کەرد سەروو ئانیشا، کە چاڎرەکێنە خەریکۍ کۊکەرڎەیۊ هامکارییەکەی بێنۍ هەڕەشۍ کەرێنۍ و واچێنۍ "شمە مەتاوڎۍ کیوپستراسنە چاڎرە ور دەیڎۍ". دماتەر فاشیستەکۍ وێشا پەنە  نەگیریا و هجوومشا کەرد سەروو چاڎرەو کۊکەرڎەیۊ هامکاریی شۊڕشگێڵنەکا.

گرووپە فاشیستەکۍ دماو ئانەی زاناشا خەڵك کاردایۊش هەن، وەرگەشا نەگێت و ڕەمۍ. چاڎرەو پەشتیوانی و کۊکەرڎەیۊ هامکاری سەرەڕاو هجوومەکەی، بە بەشداریێوە بەقووەتۊ درێژەش بە هەرمانەکاش دا.

س.ز