" ئەسپ سواری " فیلمێۋە درامایی ئەمرېکاېن جە نوېستەو نویسەری ئوسترالی ئەندرۊ ناېت و نوېسەر ئەلېس مەککرېدی-ن، ڕەچەڵ گرېفېتس ھەرمانەو بەرئاورڎەېش پۍ کەرڎەن ، فېلمەکە ساڵەو ٢٠١٩ نماېشکرېا .

فېلمەکە سەرو بنەماو حەکاېەتۍ ڕاستەقېنۍ " مېشێل بېنی ئوسترالی " کە کناچە گولانۍ ڕائاوەرو ئەسپی پادی بېنېنە ، جە دەورو ئا ڕا دورو نارەحەتۍ خولېۊۋە پۍ ېاوای بە وەرمەکەېش کە پێش لوێنە .

" مېشێل بېن " چنی ئەسپی گۊرۍ بېێنە ، ۋەختێوە فرەش بەرڎەن سەر جە چەمڎاری کەردەو ئەسپەکانە بە نمونەو پەېڎا کەرڎەو واردەی پێشا و پاککەردەېۊشا و بەردەېشا پۍ بەرو ساحەی ،ھەرپاسە تەمرېن و ڕا ئاوردەی پێ سواربېەو ئەسپەکا ، خێزانەکەش ئەزمونۍ درێژ مەوڎاش چنی ئەسپەکا بۍ ، چونکېم ھەشت ئەسپۍ جە ئەسپەکاشا بەشڎارۍ کێڵۍ ۋەڵۍ کۊتەو ئەسپەکاشا کەرڎ جە ئوسترالېا .

ۋەختۍ قەرارش دا بەشڎاری جە ۋەڵێکۊتەو ئەسپەکانە کەرۊ ، جە لاو تاتەیشو گلێرگەېۊ ڕەڎکرېاۋە ، چونکېم وېنێنۍ کە ژەنی جە ېاگۍ نېشتەېرەو جەماوەرېەنە ېاگێشا ھەنە نەک جە ڕاڕەوەکەنە، ۋەلێم " مېشێل بێن " ە پاپەنە بۍ بە حەزەکەیشو ۋەرمەکەیشۊ پۍ بەشڎار بېەیش جە ۋەڵێکۊتە گۊرەو ئەسپەکانە .

تاواش جام و سوارکاری مێلبۊرن و ساڵەو ٢٠١٥ ی بەدەس بارۊ، بېە بە ېۋەم ژەنی کە خەڵات و سوارکاری مێلبۊرنی بەرۊۋە ، جە دماو ئەرەمەرزېاېشۊ جە ساڵەو ١٨٦١ی پۍ ئانەی کە سەلەمنۊش کە پلەی ېۋەم جە سوارکارېنە تەنېا سەرو پېاېا تاپۊ نەبېەن و ژەنېچ متاوا بە دەسش بارا ، پێسە ۋێشا ھێزو تواناشا بۊ پۍ بە دەس ئارڎەو ئینەی .

ھ.ئ