بەرخۊدان ڕۊژھەڵات یۊ جە فەرمانڎەکاو ھەپەگەی ئەرەیاۋناش، جە ۋەختێنە ھێزە مېان نەتەوەییەکۍ نەتاۋاشا بە پېلانگێڵناکەیشا بە ئاکام بیاوا، شێۋەو گۊشەگېریشا گێرتەنە ۋەر و ۋاتش" دوژمن بە گۊشەگېریچ بە حیچ ئاکامۍ مەیاوۊ".

فەرمانڎە بەرخۊدان ڕۊژھەڵات بەبۊنەو ٢٤ەمېن ساڵۋەگەڕو ١٥ و شوباتو ١٩٩٩ی کە رابەر ئۊجالان ڕابەرو گەلو کورڎی بە پېلانگێڵېۍ مېان نەتەۋەیی ڕادەس و تورکېای کریا، قسێش پۍ ئاژانس و ھەۋاڵی فورات(anf)ی کەرڎێو ئەرەیاۋناش؛ گەلو گەریلا جە قورسی پېلانگێڵیەکەی مېاۋانە و ۋاتش؛" پۍ یەکەم جاری جە ۋەرکۊتوو دلێڕاسەیەنە ڕابەرێۋە زانای پێسە ڕابەر ئاپۊی بەرکۊتەن. ئېنەیچ تەرسۍ گۊرێش وستە دڵ و ھێزە دەسەڵاڎ دارەکاۋە، پۊکەی پېلانگێڵنای مېان دۊڵەتی جە دژش کۊت ھەرمانە. پېلانگێڵنای مېان دۊڵەتی جە ٩/١٠/١٩٩٨ی دەسش پنەکەرڎو جە ١٥/٢/١٩٩٩ی بە گێرتەو ڕابەر ئاپۊی ۋەردەوامیش پنە دریا".

نېازشا بۍ جە کەسایەتی ڕابەر ئاپۊینە گەلو کورڎی دلێنە بەرا. ۋەختشا نېارە، بەڵام حسابەکێشا یۊشا نەگێرتۊ، چونکیم پەکەکە جمیەرۍ ئایدیۊلۊژین و ئایدیۊلۊژیاکەش سەرو بنەڕەتێۋی ڕاسی و تەندروستی ھۊرچنېان. ڕابەر ئاپۊ ئا کێڵۍ و سېناریۊ نۋیسیێشە ھورشێونێۋە. پەکەکە جە گرڎ ۋەختۍ زیاتەر فراوان بی و ۋەڵۍ کۊت، عەحدو تۊڵە ئەساو ۋەڵېنگەیش چنی ڕابەر ئاپۊی بەقوەتتەر کەرڎ. ئارۊ تەڤگەرو ئازاڎیی جە گرڎ ۋەختۍ زینەتەرو بەقوەتتەراو توڕەییەکەش گۊرەتەرا.

دڵنېاشا کەرمۍ کە مەتاۋا بە گۊشەگېری حېچ ئەنجامۍ دەس وزا

ۋەختۍ ھێزە مېان نەتەوەیېەکۍ نەتاۋاشا بەپېلانگێڵنای ئەنجام دەس وزا، پەناشا پۍ ڕای تەری بەرڎە، کە ئاڎیچ گۊشەگېری بۍ، گۊشەگېری یۊن چا ڕایاو گۊشەگېریۍ فرە قورس و جدی ھەن سەرو ڕابەر ئاپۊیۊ. بە دڵنېایۊ دوژمن حەجگېز جە گۊشەگېری و پېلانگێڵناینە ئەنجام دەس مەوزۊنە. گرنگ نېا چن ھجومۍ کەرۊ، چونکېم سەرکۊتەی حەر پۍ ئێمەن. ئێمە متمانەما بە ۋێما ھەن، متمانەما بە گەلەکەیما ھەن، متمانەما بە ئایدۊلۊژیاو ڕابەر ئاپۊی ھەن، ئێمە پا باوەڕی و متمانا سەرکۊتۍ بیمۍ.

ھ.ش