گرووپێوە جە گەریلایا کە هجووموو ئەرەگیراشا گارەنە ماڕا، بە مدرامانی بێوێنەی تاریخی، جوابوو هجووموو ئەرەگیراشا داوە.

 "جوودی سەرحەد" و "باوەڕ ئەلکۍ” و "ئەرداڵ ڕۊژهەڵات" و "ئارگەش ڕۊنی" و"ئاجارەش وان"، بە فەرماندەیی "شۊڕش بەیتوشەباب"ی جە کەمپوو دیلەکانینە مدرامانۍ تارێخییشا کەرد و سپاو تورکیایشا ماڕا. شۊڕش و ڕەفێقەکێش کە جە ئەنجاموو گازی و چەکی کیمیاویی سپای ئەرەگیروو تورکینە گەشمەرڎۍ بیۍ، بیۍ بە نیشانۍ مدرامانوو دماو ئاڎیشا. مدرامانێوە کە دماو سەرکەوتەی گارە-ی کریا بە 'ڕێبازوو شۊڕشی' و قووەو ئیراڎەو ئینسانی ئازاڎیش جارێوە تەر نیشانەو گرڎ کەسۍ دا. تاریخوو پەکەکە-ینە 'عەگید'ۍ فرۍ بەرۍ کەوتێبێنۍ بە ماناو سەرڎەمی. نامۍ ئی سەردەمەیچە شۊڕشا. "شۊڕش بەیتوشەباب" و ڕەفێقەکێش بییۍ بە نیشانۍ سەرکەوتەی ' هەنگامەو وەخت وەختوو ئازاڎیین'، بیۍ بە سەرچەمەو ئاواتوو ئینسانیەتی..

 جەنگوانی قارەمان جە مەیڎانوو جەنگینە

 فەرماندەو گەریلای "ڕۊژهات موسیان" کە وەڵێوەبییەی پەی گەریلایەتیی تازەی کەرۍ جە گارە-نە، بە یارایۍ بێوێنە ورش کوا سەروو ئەرەگیرا جە "سیانۍ”ێنە، چەنی بۊردومانێوە  قورسی و بە تاکتیکوو جەنگی یاوۍ سەروو دوژمنی، گورزی گەورەش شانا، بە تەنیا (یوە)یەکێوە ئەرەگیراش جە تەپێوە "سیاسنۍ"نە دلێنە بەرد. ئەرەگیرەکۍ وەرانوەروو ڕۊحی بەرزوو هجووموو "ڕۊژهات موسیان"ینە کوشیێوە فرێشا کەوتۍ، ناچار بیۍ کە کێشیاوە. "ڕۊژهات موسیان، خەیری چەولک، دەلیل کۊبانۍ، خابور دێرک، سەیدۊ ڕەفیق و ڕێبەر کۊبانۍ” بە ڕۊحێوە میلیتانی فیدایی ئاپۊییوە، بۍ دووەدڵی ورشا کوا سەر دوژمنی و تاکتیکی سەردەمییانەشا بە ئۊساییۍ گەورەوە و خولقنەرانە جابەجا کەرد. "ڕۊژهات، خەیری، دەلیل، خابور و ڕێبەر" کە جە گارەنە داستانێوە مدرامانیشا خولقنا، بیۍ بە جەنگوانۍ قارەمانوو مەیڎانوو جەنگی.

 "ئارهات ئامەد" و "گەلهات تۊڵهەڵدان" چێروو فەرماندەیی فەرماندەو گەریلای "سەیف پۊڵات"ینە، بە تاکتیکوو گەریلای مۊدێرنی بە ڕێبازی پرۊفیشناڵانە، ڕاشا گێرتە وەردەموو هجووموو ئەرەگیرانە. گورزۍ گەورەشا وەنە شانۍ  هجووموو ئەرەگیراشا مردنا. ئینە جگە چانەی بە دەیان تیمی گەریلایا هەرێمەکەشا کۊنترۊڵ کەرد و ڕاشا بە دەوڵەتوو تورکی نەڎا بەیا وەڵێوە.

 سەربازەکۍ جە هەرێمەکەی ور ئامۍ

 دەوڵەتوو تورکی جە ١٠و شوباتوو ٢٠٢١ مەیڎانوو "سیانۍ” هەرێموو گارە-ینە هجوومێوە لۊکاڵییش دەس پەنە کەرد. دماو بۊردومانێکی سەختی، سەروازەکۍ دوژمنی کە بەتایبەتی پەروەرڎۍ کرێبێنۍ، بارەگاو سەروازیی "بامەرنۍ”نە دەوڵەتوو تورکی بە هەلیکۊپتەر وەزنێرە و هجوومەکەشا کەرد. حەر سەروازەکێشا مەیڎانەکەنە نیێرە،بە تاکتیکوو گەریلای گورزێوە قورسشا وارد. چەنی ئانەی کە هجووموو درۊنی و تەیارە جەنگییەکا سەرەمڕ بۍ. گەریلایەکاو هەپەگەی بە وەڵێوەبییەی فەرماندە "شۊڕش بەیتوشەباب"ی چوار ڕوۍ بۍ مردای جەنگشا کەرد. سپاو تورکی مەیڎانوو "سیانۍ”نە چێروو کۊنتڕۊڵوو گەریلاینە مەنۊ و گورزی قورسش وەر کەوت. جە ئەوەڵۊ کۊردینەو جەنگینە چی هجوومنە سەروازێوە فرۍ بە سزاو گەلی یاوۍ. ١٥ گەریلۍ بە فەرماندەیی "شۊڕش بەیتوشەباب"ی ئا داسانە قارەمانییەشا نویستۊ، وەروو ئانەی دیلەکا پارێزنا و گورزی قورس بدا دوژمنی، مدرامانۍ گەورەشا کەرد و گەشمەرڎۍ بیۍ. دەوڵەتوو تورکی وەروو ئانەی شکسەکەیش شارۊوە، هەوڵێش دۍ بە سیاسەتوو جەنگی تایبەتی چارەسەرێوە وێزۊوە. وەروو ئانەی سەروازەکاش مەیڎانەکەنە ڕزگارۍ کەرۊ، چەکی کیمیایی و چەکی قەدەغەکریاش بەکار ئارد. سەربازەکۍ کەلوپەلی سەروازییشا مەیڎانەکەنە جیا ئاست و ور ئامۍ و لوۍ..

 بەکارئاردەی چەکی کیمیایی هەمیشەیی بۍ

دەوڵەتوو تورکی کە پۊلیسۍ و سەروازۍ دلێنە بەرۊ، دماو گارە-ی بەکارئاردەی چەکی کیمیاوییش کەرد بە هەمیشەیی. ماوەو دووە ساڵی ویەردەینە جە زاپ، ئاڤاشین، مەتینانە فرەتەرین چەکی کیمیاوی، تەرمۊباریک و تاکتیکی ئەتۊمییش بەکار ئارد.

 س.ز