چالاکی "دەنگ بڎە بە ئازاڎی"کە بە سەرمەشقی بنەیانەو زیڼانیا و ئەرەمەرزیا مەدەنییەکا جە چوارچێوەو کەمپینو "ئازاڎی پەی عەبدوڵا ئۆجالانی، چارەسەری سیاسی پەی پەرسو کوردینە" ئەنجام مڎریۆ، وانەنە بەردەوامیش پنە دریا.

جە چالاکیەکەنە بنەیانەو زیڼانیا و جەمەو پەشتیوانی و هامکاری جە بنەیانەو زیڼانیا و سزدریایا وانی  (WANTUHAY-DER) ۋەردەمو کەمپو گێرتەخانەو وانینە ئەرەیاۋنێوەشا ۋەناوە.

ئەرەیاۋناکەی جە لایەنو ڕاوەبەری  (WANTUHAY-DER)ئەمینە شەکەرێوە ۋنیاوە و سەرەنجش وست سەرو ئەنجامو سیاسەتەکا ئاکەپەی کە جە زیڼانەکانە ڕووەدای مەردەیش چنە گنۆوە و  واتش: " دەسەڵاتداری ئاکەپە-مەهەپەی چی ڕووەدایا ۋەرپەرسا. ئا ڕووەدایێچە گرڎ تاوانێوە سیاسییەنە. داوا جە دەسەڵاتداری مکەرمۍ نەبۆ بە هامبەشو ئی تاوانا و یاساکاو ماف جابەجێبکەرۆ."

داوا جە ڕای گرڎیی دیموکراتیکی کریا

جە بەردەوامی قسەکاشەنە شەکەرە ئاماژەش پانەیە کەرڎ کە کاریگەرییەکاو گۆشەگیری ئیمراڵی سەرو ملو گرڎو مېڎانەکارە وەڵابیەنۆ و پی جۆرە بەردەوامە بۍ: "دەسەڵاتداری ئاکە-مەهەپەی جەخت سەرو جابەجێنەکەرڎەی قەرارەگا دادگاو مافەکا مرۆڤی مکەرۆوە کە 'مافو هیواین' جە لایەنو دادگاو مافەکا مرۆڤو ئۆروپایۆ. هەرپۊکەی گرڎو ئەرەمەرزیاکا مافو مرۆڤی ۋەرپەرسێنۍ جە درێژە دای بە گۆشەگیری. جە ۋەرا ۋەرو سیاسەتە سەرەرۆییەکا تورکیای، نادادی و گۆشەگیرینە کە جە گێرتەخانەکا تورکیاینە بەردەواما، داواش جە ئەرەمەرزیا مېیاننەتەوەییەکا و بە تایبەت جە نەتەوەیۆگێرتەکا، ئەنجومەنو ئۊروپای و سی پی تی، گرڎو ئەرەمەرزیا یاساییەکا و ڕای گرڎی دیموکراتیکی مکەرمۍ کە ئەرکو ۋێشا جابەجێ بکەرا."

هەر جە چالاکیەکەنە مەحمود دیندار پەرلەمانتارو دەم پارتی جە بازنەو وانی قسێش کەرڎۍ و باسش چانەیە کەرڎ کە جە دژو کوردا سیاسەتەکا دلێنەبەردەی و نکۆڵیکەردەی ڕاوەبەر مکریا، داواش کەرد کە تورکیا دەس جە پاشێلکارییەکاش هۆر بگێرۆ.

ئەرەیاۋناکەی بە دروشمەو " بژیۋۆ مڎرامانو زیڼانیا" و "زیڼانیا سیاسی شکۆو ئێمەنۍ" دمایش پنە ئاما.