جە مابەینو ١٠-١٤ و تشرینو یووەمینە جە بەرلین ٤٠ بەرهەمۍ هونەرمەڼ عەلی زولفەقاری بە نامۍ "شەوق"ی نیشانە مڎریا.

هونەرمەڼ عەلی زولفەقار جە بەرهەمەکەیشەنە بەنامۍ "هاوارو ئازاڎی" وێنەو ڕابەرو گەلوو کوردی عەبدوڵا ئۆجالانیش سەرو دارێوە گۆرەیۆ بە بەکارئاوردەی تەکنیکو ڕەنگی ئاماڎە کەرڎەن. هامکات چنی ئانەیچ وێنەو چالاک و ژیۋگەپارێزنی گریتا سونبێرگی، سیاسەتمەدارا زیڼانیکریای فیگەن یوکسەکداغۍ و سەلاحەدین دەمیرتاشی، وێنەو ئەنتۆنی گرامشی، ڕۆزا لۆکسمبۆرگۍ، نیلسۆن ماندێلای و چێ گیڤارایچ جە نمایشگاکەنە نمایشۍ مکریا.

ئاماژە بە گۆشەگیری مکریۆ

عەلی زولفەقار ئەرەیاۋناش، گەرەکشا جە ڕاو بەرهەمو "هاوارو ئازادی"یۆ سەرنج بوزۆ سەرو گۆشەگیری ڕابەرو گەلوو کوردی عەبدوڵا ئۆجالانی و ۋەرپرسیاریە مېیاننەتەوەییەکا، واتش: " بە مەرامو سەرنج وستەی سەرو گۆشەگیریی عەبدوڵا ئۆجالانی و پەنەوازی بەدیئامای ئاشتی بەینو گەلا ئی بەرهەممە ئاماڎە کەرد".

جە وێنێوە ساڵەو ١٩٩١ یوە ئیلهام هۆرگیریان

زولفەقار ئاماژەش پانەی کەرد کە پەی پۆرترێتەکەو ڕابەرو گەلوو کوردی عەبدوڵا ئۆجالانی سەرو بناغەو وێنێوە ساڵەو ١٩٩١ کە لوبنانەنە و جە تەرەفو وێنەگر گونەی ئولتونچۆکیۆ گیریان، ئاماڎەکریان؛ چنەشەنە قەڵەمی سیاو بەکارئامان و پەنابریان ۋەرو گوزارشتێوە سۆفیگەرییانەی.

بەرهەمو "هاوارو ئازادی" جە ١ تا ١١ تشرینو یووەمی، سەرو بیلبۆردەکا ناوەندو شارو بەرلینی و جاڎەکا بەرلینینە نیشانە مڎریۆ.