کۆمیتەو ڕاوەبەری جمیەروو شۆڕشگێڵنی یۆگێرتەو گەلا (هەبەدەهە) ئەرەیاۋنێوە نویسیاش وەڵا کەردۆ و ئەرەیاۋناش، "١١ ساڵ چێوەڵتەر، گەل، کرێکارا و رەنجدەرا، ژەنا و گەنجا؛ بە پوختی مدرامانی یۆگێرتەی گەورەو گرڎوو چێر دەسا، یاگە پاشا دماو ۋێشا جیا ئاست کە حەجگیز جە یاڎ مەکریا و تاریخشا نویستۆ. ئا شۆنپۍ جە گەورەشارەکاو تورکیای، جە جاڎەکا سەرنیشتوو کوردسانی، جە ۋەرنیشت و جە هەرێمەکاو پارێزنای مەدیاینە مۋینیا. هیواو ئازاڎیی، دیموکراسی و دادپەروەری پارێزنا".

یاڎوو گەشمەرڎا مدرامانوو گەزی کریاوە

جە درێژەو ئەرەیاۋناکەو کۆمیتەو ڕاوەبەری هەبەدەهەینە ئامان، " جە ڕاو مدرامانیوە جە هوشیاری ئێمەنە چەسپیان کە ئازاڎیی، دیموکراسی و دادپەروەری راسیێنۍ مە فاڕیا و مەتاویۆ پاشەکشەشا ۋنە بکریۆ. جە کەسایەتی عەلی ئیسماعیل کۆرکمازی و ئەدهەم ساریسوکولینە سەروو ئا پیمەرەیە 'یان گرڎما پێوەرە یان حیج کەس' تاکە ڕاو خاوەنداری جە رۆحوو گەزیی ئانەنە. راسی گەشمەرڎەبیەی، پەی گرڎوو گەلا و چێردەسا؛ بەرش وزۆ کە بە کۆشیای دژوو چەوەسیایۆ، قڕکەردەی و فاشیزمی، متاوۆ مەعنێوە بەدەسبارۆ.

پېسە ماهیرەکا، دەنیزەکا، ئیبراهیمەکا، سینانەکا و ئولوشەکا، گەشمەرڎا مدرامانوو گەزییچ بیۍ بە قارەمانۍ شکۆمەنڎۍ تورکیای. جە ڕۊو ئارۊیمانە مەعناو ئی مدرامانیە، گەشمەرڎەبیەی و ئا ئەرکۍ کە بەئێمەشا سپارێنۍ ئێژاتەرۍ بیێنۍ. خاوەنداری چا ئەرکەیە، بە ماناو بە زینڎەیی ڕاگێرتە و مبارەک کەردەی سەرکەوتەی جەنگوو ئازاڎییا، کە جە گەزی تا ۋەرنیشت، جە هاتای تا دێرسیم، جە ئیزمیر تا ئامەد، جە نورحەق تا زاپ و زاگرۆسەکا شەپۆل شەپۆل وەڵا بۆوە.

قارەمانا و گەشمەرڎا گەزی بە رێز و پنەزانایۆ یاڎ مارمېوە و پېسە پەنەوازیۍ دڵسۆزی و وەفاڎاری پەی یاڎوو ئاڎیشا جارێوەتەر دەسنیشانش مکەرمۍ کە ئێمە جە ساڵیاڎوو ١١ەمینینە بە رۆحوو گەزیوە کۊشیایما درێژە پنە مڎەیمۍ و بەرەو سەرکەوتەی هەنگامە منیەیمۍ".