رۊو ٢ شەممەی، جە شارو هەڵەبجە-ی، ڕێکوزیاو یانەو سیاو چەمانەی، بە ھامکاری ڕاوەبەریی چالاکییەکاو زانشتگاو ھەڵەبجە-ی و بە سپۆنسەری (ڕێباز فاوەندەیشن)ی، بە دروشمو ”زوانو ئەڎایما شناسنامەو نەتەوەییمانە“ بە ٢١و شوباتی بۆنەو ڕۆو جیھانی زوانی ئەڎاییەوە کۆنیشتێۋش ڕێکۋست. جە کۊنیشتەکەنە کە جە هۆڵو پڕۆفیسۆر دکتۆر مستەفا زەڵمی ساز کریا و جەماوەرێۋی فرە ئاماڎەش بی، هەر یۆ جە (نۋیسەر و پەیجۆرکار ئەیوب کێخا رۆستەم، مامسا جەمال بێدار، مامسا سالم حەسەن و مامسا شەھرەزاد نائیب) بەشدارێ بیێ. کۊنیشتەکە جەلاو دکتۆر شوان نوری-وە بریاڕاوە.
جە سەرەتانە پرۆفیسۆرە مەھابادە کامیل عەبدوڵا سەرۆکەو زانشتگاو ھەڵەبجەی وتارێوەش پێشکەشە کەردە. شۆنیشەرە ئازاد تۆفق پارێزگارو ھەڵەبجەی قسێش کەرد.
دماتەر وتارو رێباز فاواندەیشنی پێشکەش کریا.

شۆنیشارە، هەر یۆ جە (نۋیسەر و پەیجۆرکار ئەیوب کێخا رۆستەم، مامسا جەمال بێدار، مامسا سالم حەسەن و مامسۍ شەھرەزادە نائیب)، سەبارەت بە زۋانی ئەڎایی و گرنگیش و پارێزنای و وانایش، پەیجۆرێشان پێشکەشێ کەردێ.
جەدما دمایەنە حەمەو حەمەسەعیدی، وەزیرو ڕۆشنۋیری هەرێمو کوردستان جە پاو ئا خزمەتە فرەیە بە زۋان، فەرهەنگ و ڕۆنشۋیری کوردستانی بەگردیی و هەورامانی بەتایبەتیی کەردەنش، ستاییش کریا و ڕێزش ۋنەگیریا.
یاگێ باسیەن وەزیرو ڕۆشنۋیری بە هۆکارێۋی تایبەت و سەرقاڵیش بەکاروباری تەرەۋە بەشداریش جە کۆنیشتەکەی نەکەردەبێ بەڵام نمایندەش ئامادە بیەبێ.