ماڵپەرو دەنگو ژەنا ئەفغانستانی وەڵاش کەردۆ، جەلایەن و حکومەتو تاڵیبانیۆ ٩١ ڕۆنامەنوویسێ ژەنێ جە ڕادیۆ و تەلەفزیۆنی نیشتمانیینە جە هەرمانەکێشا دوورێ وزیێنێ. هەرپاسر چالاکوانا ژەنا ئاماژەشا پانەیەدا جە چن ڕۆی ویەردەنە حکومەتو تاڵیبانی ١٢٠ مامۆسێ ژەنێش جە باخچەکا ساوایان و شارو كابووڵی جە هەرمانەکاشا دوور وزتێنێوە.

ماڵپەرو دەنگو ژەنا ئەفغانستانی قەرارو بەرکەردە و ڕۆنامەنوویسا ژەنێش جە دەزگاکا ئەرەیاونا و ئەفغانستانی جەلایەنو تاڵیبانیۆ شەرمەزار کەرد و واتش: " ئا هەنگامێ تاڵیبانی نادادپەروەرانێنە و ئا کەسێ مووچەو دووێ مانگێشا پنە نەدریا."

جەبەردەوەمینە ژمارەو ژەنە دوور وزییایەکا ئامان: "جەلایەنو تاڵیبانیۆ ٩١ ڕۆنامەنووسێ و کارمەندێ ژەنێ جە ڕادیۆ و تەلەفزیۆنو نیشتمانینە جە هەرمانەکێشا دووروزیێنێ."

پرۆسەو دوور وزتەیۆ کارمەندەکا حکوومەتی جەلایەنو تاڵیبانیۆ دماو بڕییە و هامکارییەکا ئەمریکای پەی ئەفغانستانی دەسش پنەکەرد، بەڵام چالاکوانێ ئاماژە پانەیە مکەرا تاڵیبان زیاتەر ژەنێ بە ئامانج گێرۆنە، ڕۆی ویەردە ١٢٠ مامۆسێ ژەنێ جە باخچەکا زاڕۆڵا شارو كابووڵی جە هەرمانەکێشا دوور وزیێنێ.