هەڵمەتەو "یەرەشەممەی نا پەی جە قەنارەدای" جە زیڼانەکا ئێرانینە بەردەواما
دژوو جە قەنارەدایەکا دەوڵەتو ئێرانی، گرڎ یەرەشەممێوە زیڼانیا ڕامیاری(سیاسی) چالاکی مانگرتەی جە وارڎەی ئەنجام مڎا، چالاکییەکە جە ٣٠یەمین حەفتەشەنە بەردەوام بۍ.
مانگېرتەی جە وارڎەی دژوو سزاو جە قەنارەدای
بەپاو ئامارەکا جە سەرەتاو ئێساڵیوە، جە ئێرانەنە زیاڎ جە ٣٥٠ زیڼانیا جە قەنارە دریێنۍ. دژوو ئینەیچ، زیڼانیا ڕامیاری جە ئێرانەنە ٣٠ حەفتێن چالاکی مانگېرتەی جە وارڎەی ڕاوەبەر مکەرا.
هەڵمەتەو "یەرەشەممەی نا پەی جە قەنارەدای" ، کە ئیساتۍ سەڎان زیڼانیۍ جە ١٨ زینانۍ سەرانسەرو ئێرانینە بەشدارێنۍ، جە وەختێنە کە بەپاو ئامارەکا، دەوڵەتو ئێرانی بە مەرامو تەرسنای گلېرگەی، ئا سزێشە دژ بە ئازاڎیوازا زیاڎە کەرڎێنە .
مەراموو هەڵمەتەو مانگێرتەی جە وارڎەی "یەرەشەممەی نا پەی جە قەنارەدای" ، کە جە ١٨ زیڼانۍ ئێرانی و ۋەرکۆتوو کورڎەسانینە ملۆڕاوە، دماییئارڎەین بە سزای نامرۆڤانەو جە قەنارەدای جە ئێرانەنە. بەشدارا هەڵمەتەکۍ داوا مکەرا گرڎوو ئازاڎیوازا و رێکوزیاکا مافوو مرۆڤی پەشگیری هەڵمەتەکێشا بکەرا.
