سیاسەتمەڎارو کورڎی، ئادەم ئوزون کۆنفرانسو کۊنسەو مافەکا مرۊڤینە دلې نەتەوە یۊگېرتەکانە قسېش کەردۍ، ئەرەیاوناش ئیمراڵینە سیستەمو ئەشکەنجەی ئەرەمەرزیانەرە و بانگەوازش جە نەتەوە یۊگېرتەکا کەرد دەمودەس سەردانو ئیمراڵی بکەرا.
چوارچېوەو ٥٧ ەمین ئەرەنیشتەو مافەکا مرۊڤو کۊنسەو مافەکا مرۊڤو نەتەوە یۊگېرتەکانە جە نووسینگەو نەتەوە یۊگېرتەکا کە ٧ و ئەیلولی دەسش پنە کەرد و تاکو ٧ و تشرینی یوەمی بەردەواما، جە لایەنو ژڵېوەو دۆسایەتی بەینو گەلا دژو نەژاڎپەرسی (مراپ) بە نامنیشانو "مافەکا مرۊڤی تورکیانە _ تاوانەکا دژو گەلو کورڎی بەردەواما"، کۆنفرانسێوە ئەنجامدریا. کۆنفرانسەکەنە تاوانە تەئریخیەکی دۆڵەتو تورکی دژو گەلو کورڎی و هەلومەرجو گۊشەگیری ڕەهاو سەر و ڕابەرو گەلو کورڎی عەبدوڵا ئۆجالانی تاوتوێ کریا. شارەزاو تارېخی جە زانکۆو زیوریخی، پرۆفیسۆر هانس_لوکاس کیسیر، پەرلەمانتارو دەم پارتی جەنگیز چاندار، ئەندامو کۊنگرەو نەتەوەیی کورڎەسانی (کەنەکە) ئادەم ئوزون پېسەو قسەکەری بەشداری کۆنفرانسەکەی بېنۍ.
نوېنەرو هەمیشەیی مراپی نەتەوە یۊگېرتەکانە، جیان فرانکۆ فاتۆرینیە کۆنفرانسەکەش بەرد ڕاوە.
پرۆفیسۆر کیسیر: تورکیا خاوەنو کلتورێوە پەراوێزوزیا
پرۆفیسۆر هانس_لوکاس کیسیر جەختش وست سەرو ڕیشە تارېخیەکا تاوانەکا دژو گەلو کورڎی، واتش: "پەی ئەنەیاوای جە فشار و تاوانەکا دۆڵەتو تورکی کە تورکیا و بەرو تورکیاینە دژو گەلو کورڎی کەرڎېنېش، پەنەوازا تەماشەو ڕیشە تارېخیەکاشا بکەرمی".
ئاماژەش پانەیە دان کە دۆڵەتو تورکی خاوەنو کلتورێ پەراوێزوزیای و حیساب نەکەرڎەین وەرانوەرو کەمەنەتەوەییەکانە و واتش: "پی مەعنێ، تاوانەکې دژو گەلو کورڎی تازێ نېیەنێ، ئی تاوانێ ڕیشێوە تارېخیشا هەن".
جەدماینە واتش: "جە پەیمان نامەو لۆزانېیەنە هیچ حسابێوە پەی کوردا نەکریا، جا ڕوۆ تاکو ئارۊ جە چوار پارچەو کورڎەسانینە ڕووبەڕوو ڕامیاریو نکۊڵیکەرڎەی باوە".
جەنگیز چاندار: ڕامیاری(سیاسەت)و ئەرەگیرکەرڎەی هەن
پەرلەمانتارو دەم پارتی جەنگیز چاندار ئاماژەش پانەیە کەرد چی ڕەوشەو ئێسەینە مەکریۆ باسو بییەی دیموکراسی تورکیانە کریۆ، جەختش وست سەرو ڕامیاریو دۆڵەتو تورکی جە سوریانە، واتش: "تورکیا جە بوارو سەروازیینە بییەو وېش سوریانە درېژە پنە مڎۊ. چنین هەرېمێ کورڎی ئەرەگیرکریێنێ و جە لایەنو تورکیایۆ کۊنتڕۊڵ کریێنێ".
جەختش کەردۆ، سەرەڕاو قەیرانو ئابووری، تورکیا فرەو داهاتەکەیش پەی جەنگی سەرف مکەرۊ.
هەرپاسە سەرنجش وست سەرو پاشێلکارییەکا مافو مرۊڤی جە لایەنو ڕژێمو ئەردۆگانیۆ.
ئادەم ئوزون: ئیمراڵینە هیچ یاسێوە جابەجێ نمەکریۊ
ئەندامو کەنەکەی ئادەم ئوزون ئەرەیاوناش تاریخو تورکیای بە قڕکەرڎەی کەمەنەتەوەییەکا مشناسیۊوە، ئی قڕکەرڎەیە ئارۊیچ بەردەواما، واتش: "دژو گەلو کورڎی، نەوەک هەر ڕامیاریو قڕکەرڎەی جەسەیی، بەڵکوم ڕامیاریو قڕکەرڎەی کەلتووری و ڕامیاری بەردەواما".
سەرنجش وست سەرو هەلومەرجو گۊشەگیری سەرو ڕابەرو گەلو کورڎی عەبدوڵا ئۆجالانی و واتش: "ئانە ٤٢ مانگێن هیچ زانیاریېوە چەربارەو عەبدوڵا ئۆجالانی نییا کە ملیۆنەها ئینسانێ جە چوار لاو جەهانینە بە ڕابەرو وېشا قبووڵش مکەرا. ئۆجالان بە تەمامی ئینا ڕەوشێوە نەبییەو زانیاریینە. دۆڵەتو تورکی جە ئیمراڵینە هیچ یاسێوە جابەجێ مەکەرۊ، بە ئاشکرا گرڎو پەیماڼامە گەردوونییەکا نەتەوە یۊگېرتەکا و یۆبییەو ئۆرووپای و پەیماڼامەو ژنېۋی و یاساکا نیلسۆن ماندێلای پاشێلۍ کریا".
"عەبدوڵا ئۆجالان چارەسەر پېشکەش مکەرۊ"
ئادەم ئوزون ئەرەیاوناش بناغەو فرەو گرفتکا تورکیای ، پاگیرین سەرو چارەسەرنەکەرڎەی پەرسو کورڎی، سەرەڕاو کۊششەکا ڕابەرو گەلو کورڎی عەبدوڵا ئۆجالان، دۆڵەتو تورکی وېش بەدوور گېرۆ جە چارەسەری پەرسو کورڎی، واتش: "کوردسان بەینو ٤ دەولەتانە بەشکریان. بەتاییبەتت بەریتانیا و فەرەنسا و هېزە ئەوروپییەکی ئی دابەشکەرڎەیشا ئەنجامدا. ئی جەنگەو دۆڵەتو تورکی دژو گەلو کورڎی، بە پەشتگیری ئەمریکای و ئەنداما تەرو ناتۆی ملۊڕاوە".
هەرپاسە سەرنجش وست سەرو پېشنیار و ڕامانەکا چارەسەری کە جە لایەنو ڕابەرو گەلو کورڎی عەبدوڵا ئۆجالانیوە پېشکەشکریان، واتش: "چوارچېوەو ئا چارەسەرە ڕامیارەو عەبدوڵا ئۆجەلانی پەی پەرسو کورڎی پېشکەشس کەرڎەن، متاوۆ دمای بە جەنگی و ستەمو سەڎ ساڵەی جە تورکیا و وڵاتا دەوروبەرینە بارۆ. دیسان بەڕېز ئۆجالان بە تیۆرەکا چارەسەری بنەڕەتی و ئەڵتەرناتیڤی تازە پېشکەش مکەرۊ پەی ئا کېشا کە ئارۊ ڕووبەڕووشا بیمێوە".
"پەنەوازا دمای بە سیستەمو ئەشکەنجەو ئیمراڵی بێ"
ئوزون ئەرەیاوناش سلامەتی و تەندرووسی ڕابەرو گەلو کورڎی عەبدوڵا ئۆجالانی یاگې نیگەرانیېوە فرەین، واتش: " جە مېڎانو مېیان نەتەوەینە گۊشەگیری پېسەو ئەشکەنجېوە تەماش مکریۊ. زېیاتەر جە ٣ ساڵا بەردەوام بییەی سەرو ئی ئەشکەنجەیە، فرە مەترسیدارا.ئېمە جگە جە "سزاو دیسپلینی" و هەڕەشا کوشتەو ئی دماییە پەی وەرگېرتەین جە کۆبییەیۆکا، هیچ چەبارەو چارەنووېس|ۋېس ئۆجالانیۆ نمەزانمۍ".
ئادەم ئوزون ئەرەیاوناش ئیتر مەبۊ ئی سیستەمو ئەشکەنجەیە بەردەوام بۊ، بڕیارەکا کۊمیتەو ڕاگېرتەی جە ئەشکەنجەی سەر بە نەتەوە یۊگېرتەکاش چەربارەو ڕەوشو ڕابەرو گەلو کورڎی عەبدوڵا ئۆجالانیش یاڎ ئاردۍ.
"پەنەوازا نەتەوە یۊگېرتەکۍ دەمودەس هەڵوێس هۆرگېرا"
ئادەم ئوزون ئەرەیاوناش پەنەوازا ئەرەمەزیا میاڼەتەوەییەکۍ و بەتاییبەتت نەتەوە یۊگېرتەکۍ ئیتر چەربارەو هەلومەرجو ڕابەرو گەلو کورڎی عەبدوڵا ئۆجالانی بېدەنگۍ نەبا، واتش: "پەنەوازا ڕا بڎریۆ ڕابەرو گەلو کورڎی عەبدوڵا ئۆجالان چەمش بە پارێزنەر و بنەیانەکەیش گنۊ، پەی چارەسەرو پەرسو کورڎی دەور گېڵنۆ، هەلومەرج بڕەخسیۆ و ئازاد بکریۆ. پەنەوازا کۊنسەو مافەکا مرۊڤو نەتەوە یۊگېرتەکا، دەمودەس شاندېوی بکیانا پەی ئیمراڵی و هەلومەرجو ئەشکەنجەو سەرو ئۆجالانی دمایش پنە بې. ئەر دۆڵەتو تورکی درېژە بی ڕەوشەیە بڎۊ، پەنەوازا سزای قورسە سەرو تورکیایرە بسەپیۆ".
