هەپەگە بە حورمەتۆ ٢گەریلۍ گەشمەرڎێ کە زاپەنە گەشمەرڎۍ بیێبێنۍ یاڎۍ ئاوردۍ و ئەرەیاۋناش: "قەولو ۋێما جە بەرز ڕاگېرتەی ئاڵاو ئەرەکۊشای کە هەڤاڵە قارەمانەکێما ڕادەسو ئێمەشا کەرڎە واوەی مکەرمێوە و هەوڵ مڎەیمۍ کە لایەق بە گەشمەرڎاما بیمۍ.
ئەرەیاۋناو ناوەندو ئەرەیاۋنای و چاپەمەنی هەپەگەی پی جۆرەنە:
"جە ٢٦و حوزەیرانو ٢٠١٨، جە ئاکاموو هرووژمۍ دژمنینە پەی سەرو هەرێمو زاپی، هەڤاڵاما ئیبراهیم و ڕەشید تێکەڵ بە کارەوانو گەشمەرڎا بیۍ، بە حورمەتۆ یاڎشا مارمێوە."
قارەمانو خەڵکو مێردینی، هەمڕا ئیبراهیم، بە هەڤاڵیەتی وەفاڎارانەو ۋێش و کەسایەتی ئەنەیاوایش، شەرتە شۆڕشگڵنیە ئاپۆییەکۍ ۋێش جابەجۍ کەردۍ. بە مەبەسو حەقکەردەیۆ قارەمانا ۋەرنیشتی و شەنگالی کە جە هرووژمەکا چەتەکاو داعشینە گەشمەرڎۍ بیۍ، ڕووەش کەرڎە کەشە ئازاڎەکا کورڎەسانی. پېسە جوانێوە زانا و ئەنەیاواو کوردی، بەردەوام دژو چەمکو تەسفیەکەردەی دۆڵەتو تورکی کە دژو گەلەکەیما و پارتیما پەکەکەی بەرێش ڕاوە، جە جوابدایۆو ئەرەکۊشاینە بۍ. هەمڕاما ئیبراهیم جە فرەو بوارەکانە ۋەرپرسیاریش هۆرگێرت، بە دیسیپلین و هەستیاریێوە گۆرۆ ئەرکەکێش جابەجێ کەردۍ. هەمڕاما ئیبراهیم بە ڕەنج و ئەرەکۊشاکاش میراتێوە گۆرەش پەی جیائاستیمۍ کە قەد جە یاڎ نمەکریا.
هەمڕاما ڕەشید کە هۆرگیرو تایبەتمەندی ئاشتیوازانە و مڎرامانو ئامەدی بۍ جە کەسایەتی ۋێشەنە و بەردەوام هەوڵ دۍ ئەرکە دژوارەکا هۆرگێرۆ، بی بە گەریلێوە ئشناسیا و بە فیداکارییەکاش نامێش بۍ دلۍ هەڤاڵاشەنە. هەمڕاما ڕەشید بە کەسایەتی پراگماتیکی ۋێش جە زېڵۍ گرڎو هەڤاڵاش و بە وەفاداری هێقمیش پەی سەرۆکایەتی و گەشمەرڎا ئشناسیۍ. هەمڕاما ڕەشید جە کاتێنە کە هرووژمەکۍ دژمنی پەی سەرو گەلەکەیما پەرەشا سانا، قەرارش دا بەشدارو دلۍ ڕیزەکا گەریلاکاو ئازادی کوردەسانی بۆ. بە کەسایەتییە هێمن و ئەنەیاواکەیش بی بە کۊششکارێوە نمونەی ئاپۆیی. بە ئیراڎێوە قەوەت و بە باوەڕیێوە فرۆ گەشتو ئازادیش دەس پنەکەرڎ و تاجەو شەهادەتیش کەردە سەرەش و جە تاریخو ئەرەکۊشای ئازادی گەلەکەیمانە پەی هەمیشەی مەنۆ.
هەمڕێما ئیبراهیم و ڕەشید، کە فیدایۍ ڕێبازی ئاپۆیی بێنۍ و هەمیشە جە ڕاو سەرکۊتەینە بێنۍ، هامکات بە هەڵوێسی دروس و ئیراڎەی بەرزو سەرکۊتەیۆ جە لایەنو هەڤاڵاشاوە بە حورمەتۆ یاڎشا مکریۆوە. سەرەتا سەرەوەشی ۋێما ئاراسەو بنەیانەی قارەمانو هەڤاڵاما ئیبراهیمی و ڕەشیدی، گەلەکەیما، کورڎەسانی و وڵاتپارێزناما مکەرمۍ. قەولما واوەی مکەرمێوە کە ئا ئەرەکۊشایەی هەڤاڵاما ڕادەسو ئێمەشا کەرڎەن، بەردەوام و ۋەرفراوانش مکەرمۍ و جە کەسایەتی ئاڎیشانە هەوڵ مڎەیمۍ لایەقۍ گرڎو گەشمەرڎا ڕاو ئازاڎیی گەلەکەیما بیمۍ.
زانیاری سەرو هەڤاڵە گەشمەرڎەکاما پی جۆرەنە:
ناسنامۍ / ئیبراهیم مێردین
نامۍ و دما نامۍ / سابری قارەمان
شۊنەماو جە ئەڎابیەی / مێردین
نامۍ ئەڎۍ و نامۍ تاتەی / کامیلە-جەمیل
شۊنەماو کاتو گەشمەرڎە بیەی / ٢٦و حوزەیرانو ٢٠١٨ – زاپ
*****
ناسنامۍ / ڕەشید فارقین
نامۍ و دما نامۍ /سەرڤەت ئوزیاندی
شۊنەماو جە ئەڎابیەی / ئامەد
نامۍ ئەڎۍ و نامۍ تاتەی / گوڵستان-مەهمەت عەلی
شۊنەماو کاتو گەشمەرڎە بیەی / ٢٦و حوزەیرانو ٢٠١٨ – زاپ
