هەپەگە ٣ گەریلێش بەرێزۆ یاڎۍ کەرڎۍ کە ئاڤاشینەنە گەشمەرڎۍ بیبێنۍ و ئەرەیاۋناش، "هەمڕێما ئازاد، دەلیلا و لۆرینە بە گیانبازی و ئازایەتیۆ ئەرەکۊشۍ، تا دما هەناسەشا پارێزگاریشا جە دڵسۆزی ۋێشا پەی بەهاکا ئازاڎی کەرڎو تێکەڵ بە قافڵەو گەشمەرڎا بیۍ ".
ناوەندو ئەرەیاۋنای و چاپەمەنی هێزەکاو پارېزنای گەلی (هەپەگە)ی ٣ گەریلێش بەرێزۆ یاڎۍ کەردێوە کە ئاڤاشینەنە گەشمەرڎۍ بیێبێنۍ و ئەرەیاۋناش: "جەنگاوەرە قارەمانەکا دۆزو ئازادیی گەلەکەیما هەمڕێما ئازاد، دەلیلا و لۆرینە جە ٢ و ٤و تشرینو یووەم و ٢٠١٩ ینە جە ئاڤاشینەنە تا دما هەناسەشا پارێزگاریشا جە دڵسۆزی ۋێشا پەی بەهاکا ئازاڎی کەرڎو تێکەڵ بە قافڵەو گەشمەرڎا بیۍ. ئێمە جە ساڵیاڎو گەشمەرڎەبیەیشانە هەمڕایاما ئازاد، دەلیلا و لۆرینۍ بە رێز و پنەزانایۆ یاڎۍ مکەرمۍ و قەول واوەی مکەرمێوە کە دڵسۆزۍ یاڎۍ ئاڎیشا بیمۍ".
جە ئەرەیاۋناکەینە ئامان:
"هەمڕاما ئازاد ناوچەو قەلقەلی سەرحەدینە کە بە وڵاتپارێزی مشناسیۆوە، بەشداریش جە ریزەکاو ئازاڎینە کەرد. جە یووەم ڕۆو بەشداربیەیشۆ دلۍ ئەرەکۊشای ئازادیمانە بە جۆش و خرۆشێوە بێهامتاوە بەشداربی، تا کاتو گەشمەرڎەبیەیش ئا جۆش و خرۆشش نە وەستەرە. هەمڕاما کە بە مەڵامەتو ئا تایبەتمەندییەیۆ یاگۍ ۋێش زېڵۍ گرڎو هەمڕایامانە کەرڎۆ، هەمڕاما ئازاد کە تا دما هەناسەش سازشش سەرو فەلسەفەو ئازادیی ئاپۆیی نەکەرد، بە کەسایەتی عال و جە ۋۍ ۋییەردەی ۋێش گرڎ کاتێ دلۍ ئەرەکۊشایمانە مژیۋۆ.
هەمڕاما دەلیلا کە بە کەسایەتی گۆرەو پنەیاوای ئەنەیاوای ۋێش جە گرڎ مېڎانێنە خاوەن بەشداریۍ گیانبازانۍ بۍ، بە زانابیەی ئانەی کە تەنیا بەشداربیەیۍ پا جۆرە متاوۆ لایەق بە رابەرایەتی و گەشمەرڎا بۆ، پا جۆرە جماوە. هەمڕێما دەلیلا کە گرڎ کاتۍ بیە بە دڵسۆزەو بەهاکا ئازاڎیی گەلەکەیما، هەستیاری ۋێش چا مژارەنە جە تەمامو ژیۋای ئەرەکۊشایشەنە پارێزنا. ۋەرو ئانەی گەرەکش بۍ پەی گرڎ هرووژمێوە دژمنی بۆ بە جواب و بیە بە یووە جە نمونە هۆرچنەکا رۆحی ئاپۆیی. بە کەسایەتی زینڼەو ۋێش و جە ۋۍ ۋییەرڎەیش جە گرڎ مېڎانۍ ئەرەکۊشاینە پەی هەمڕایاش بیە بە سەرچەمەو ورەی، بەردەوامیچ ڕاما نیشانە مڎۆ.
هەمڕێما لۆرینە کە جە ئەوەڵ ڕۊو بەشداربیەیش دلۍ ریزەکاو گەریلاینە بە قەرارداریۆ باوشیش پەی ژیۋای گەریلایەتی و کەشی کەرڎۆ، جە گرڎوو مېڎانەکانە کۆششەکێش وستۍ گەڕ و هەرمانەش پەی زەریفتەر کەردەی ئا شۆنا کەرڎ. هەمڕێما لۆرینە کە بە ئشناسای ئایدۆلۆجیاو رزگاری ژەنۍ ئەنەیاۋۍ تەرە بیە، جە کەسایەتی ۋێشەنە فاڕیای ریشەییش ئەنجامدا و بیە بە جەنگاوەرێوە ئاپۆییە و گەریلێوە پاژکی. هەمڕێما لۆرینە کە گەرەکش بۍ گرڎ ساتێوە ژیۋایش ماناڎار بکەرۆ، بە ئاستو قووڵبیەیۆ ۋێش گرڎ کاتۍ گەرەکش بۍ جە بەرەکا وەڵێوە ئەرەکۊشاینە بەشدار بۆ. هەمڕێما لۆرینە تا ساتو گەشمەرڎەبیەیش سازشش سەرو ئا هەڵوێسەیە نەکەرد. ئێمە پېسە هەمڕایاش قەول مڎەیمۍ کە ئێمە ئەرەکۊشای هەمڕێما لۆرینۍ جە گرڎ هەنگامېوە ئەرەکۊشاینە یاڎ بکەرمێوە و بە زینڼەیی ڕاش بگێرمۍ.
هەمڕێما ئازاد، دەلیلا و لۆرینە کە چا قۆناغێنە کە هرووژمە قڕکارییەکۍ پەی سەرو گەلەکەیما زیاتەرۍ بێنۍ بە بێ ئانەی پەی ساتێوەیچ دووەدڵۍ با پەی ئازادیی گەلەکەیما ئەرەکۊشۍ، پا هۆرچنیەیچشا بیۍ بە جەنگاوەرۍ ئاپۆیی کە مشۆم جونۍ ئاڎیشا پەی ۋێشا بکەرا بە نمونە. هەمڕاکێما بەگرڎو قەناعەتیشاوە قەناعەتشا پانەی بۍ کە ئەرەکۊشای گەریلای سەرگنۆ و ۋەرو ئانەیچ جە گرڎ ساتێوە ۋێشانە بە گیانبازی و ئازایەتیۆ ئەرەکۊشۍ.
سەرو ئا بنەمایۍ ئێمە پېسە هەمڕایا ئازاد، دەلیلۍ و لۆرینۍ کە شانسو ئانەیما بۍ چنی ئا جەنگاوەرە ئاپۆییا جە سەنگەرێوەنە پێوەرە جەنگ بکەرمۍ و هەمان هەناسەو ئازاڎیی هۆرکێشـمۍ، سەرەوەشی جە بنەیانەی بەقیمەتو هەمڕایاما و گرڎو گەلی وڵاتپارێزنو کورڎةسانی مکەرمۍ.
زانیاری سەرو ئشناسنامەو هەمڕا گەشمەرڎەکاما پی جۆرەنە:
ناسنامۍ / ئازاد ئۆزگور
نامۍ و دمانامۍ / ئەمراه گونارا
شۆنەماو جە ئەڎابیەی / وان
نامۍ ئەڎۍ و نامۍ تاتەی / زاهیدە- عیسمەت
شۊنەماو کاتو گەشمەرڎەبیەی / ٢/١٠/ ٢٠١٩/ ئاڤاشین
*****
ناسنامۍ / دەلیلا رۆژەڤین گارزان
نامۍ و دمانامۍ / فاتمە کلیچئارسلان
شۆنەماو جە ئەڎابیەی / بەدلیس
نامۍ ئەڎۍ و نامۍ تاتەی / سورەیا- ئیکرام
شۊنەماو کاتو گەشمەرڎەبیەی / ٤/١٠/ ٢٠١٩/ ئاڤاشین
*****
ناسنامۍ / لۆرین بیشەنگ
نامۍ و دمانامۍ / نەزاهەت چاپان
شۆنەماو جە ئەڎابیەی / شڕنەخ
نامۍ ئەڎۍ و نامۍ تاتەی / تایبەت- یاسین
شۊنەماو کاتو گەشمەرڎەبیەی / ٤/١٠/ ٢٠١٩/ ئاڤاشین
