ئەرەیاوناکەینە حەماس ئاماژەش پانەیەدان جە تەعزیەو واتەواچەکەیشانە و ئینەیچ ئامان: "هرووژمی سەر و واتەواچەکەیما و سەرۆکەکاما ئیرادەما مەماڕا. بە پێچەوانۆ قەرارداریما سەرو ڕاو ڕزگاری زیاتە مکەرۆ."

سوپاو ئیسرائیلی دماو ئایێر بەستەو دووە مانگەی، جە ١٨و ئادارینە جارێوە تەر بۆمبواران و سەرو کەرتو غەززەیش کەردەن.

بە پاو دما ڕاپۆرتەو وەزارەتو تەندرووسی حکومەتو حەماسی جە غەززە کە ڕۆو چوارشەممەی ئەرەیاویا، جە ١٨و ئاداریۆ جە ئەنجامو ئۆپەراسیۆنە سەروازییەکا ئیسرایئلی تا ئیسە ٨٣٠ کەسێ کوشیێنێ.

هەرپاسە جە سەرەتاو جەنگو ئیسرائیلی حەماسیۆ جە غەززە ٥٠هەزارێ و ١٨٣ کەسێ کوشیێنێ.