حەسەن جودی نوېسەرو چەمڎاری سېاسی باسش چا جەنگە تاېبەتەېە کەرڎ کە ترکی ئەرەگېر ۋەران ۋەرو کوردی-نە کەرۊش و ماچۊ' پانېشتو کورڎسانی پێسەنە قەڵێۋە ،ڕژێمو فاشېست و ترکېەی گەرەکشا ئی قەڵۍ ئەرەگېرەکەرۊ ، پۍ ئېنەېچ جۋانا کەرۊنە ئامانج .
دۊڵەت و ترکی ئەرەگېری چانەی ېاۋانەنە کە مەتاوۊ بە جەنگی گەرم دەس گێرۊ سەرو خاک و کورڎسان-ېرە و ناسنامەو کورڎی سڕۊۋە ، پەناش بەرڎەن ۋەرو جەنگی تاېبەتی و ھۊڵ مرۊ جە ڕاو جەنگێوی دەرونیۊ ھەست و نېشتېمان پەرۋەری
جەلاو جۋانا کورڎېۊ کاڵ کەرۊۋەو سڕۊشۊ ، جە دژو ۋڵات و وێشان ھانیشا بۊ ، سەبارەڎ پا جەنگە دەرونېەېەو پارێزناو جۋانا چا جەنگەېە، حەسەن جودی نوېسەرو
چەمڎاری سېاسی قسێش پۍ ڕۊژنېوزی کەرڎو واتش: .
حەسەن جودی جە قسەکاشنە پی جۊرە باسش جە تەرسەکاو سەرو پانېشتو کورڎسانی کەرڎو واتش " دۊڵەت و ترکېەی ئەرەگېری ھۊڵی فرەشا دان جە پانېشتو کورڎسانی تۊڕێوی جاسوسی دروس کەرانۍ پۍ ئانەی ماڎەی ھۊشبەر ۋەڵا کەراوە ، بە پلانێۋە تاېبەتە جۋانەکاما ھورمنېا کە ۋڵات جېا بازا ، ئېنەېچ چن ڕێۋەنۍ کەترکېە جەنگی تاېبەتش پنە کەرۊ جە ۋەران ۋەرو کورڎېنە .
ئاماژەش پانەی کەرڎ کە گلێرگەو پانېشتو کورڎسانی گلێرگێوە بە شکۊن و خۊتان کەرامەت و وێشا نۍ ، پۊکەی ترکېە گەرکشا ئی شکۊېە ماڕۊنە ، ېۊ جە ھۊڵەکاېچش
بە جاسوسی کەرڎەېن ، بە تاېبەت ئا جۋانۍ کە بەبەرنامە بۍ ھەرمان کرېێنۍ ،ئاڎېشا بە ئامانج گێرانۍ .
سەبارەڎ بە پلانەکاو ترکېەی " حەسەن جودی " باسش چانەی کەرڎ کە پانېشتو کورڎسانی پێسەنە قەڵۍ ، ڕژێمو فاشېست و ترکېەی گەرەکشا ئی قەڵۍ ئەرەگېرەکەرۊ ، ھۊڵ مڎۊ جە ڕاو کەم کەرڎەېۊ بەھاو ۋەڵاکەرڎەېۊ ماڎەی ھۊشبەرې و کۊچ کەرڎەی و جنسی و ئالودەبېەی بە چن بابەتێۋە تەرو جاسوسی کەرڎەی بە جۋانەکاوە ئا ھەرمانۍ کەرۊ، پۊکەی مشۊ جۋانۍ کورڎی جە ۋەران ۋەرو ئا جەنگە تاېبەتېەېنە ئاگاڎارۍ با .
نام برېا ئانەېچش ھوست ڕووە ئەگەر ژەنی و جۋانا دەسەمۊ کەرا ، کۊو گلێرگەی دلێنە مشۊ ، ۋەرو ئانەی جۋانۍ کورڎی مشۊ وشېارۍ باو وێشان بە ڕێکوستەی کەرا، وێشان پەروەرڎەکەرا، ڕاسېەکا جەنگو تاېبەت و ترکېەی ئەرەگېری بزانا،
ۋێش بشناسۊ کە ڕۊڵەو چ مېلەت و گلێرگێوەن .
سەبارەڎ پانەی کە چنی بتاومۍ ۋەر پی جەنگە تاېبەتەو ترکی ئەرەگېری گێرمۍ، ئا نوېسەرە ماچۊ بەپەی لواو من بە چالاکی ئەرمناېو وۍ ڕێکوستەی و وشېار بېەېۊ متاومۍ ۋەرش پنە گێرمۍ. ئەشۊ جۋانۍ ئێمە پابەنڎۍ با بە ڕۊح و نېشتېمان پەروەری و ھەست کەرڎەیشا بۊ بە ۋەرپرسېارېەتی و ۋێشا نا ھومێڎ نەکەرا، بە ېەقېن و بڕواو متمانۊ جە ئەرەکۊشای ئازاڎی بڎېا و بەشڎارېش چنە کەرا .
جە دماېې قسەکاشنە " حەسەن جودی " ئاماژەش پانەی کەرڎ ، کە پەنەوازەن جۋانۍ کورڎی جە ڕاو " ئەرەکۊشای ئازاڎی ، ئەرەکۊشای جۋانا ، کلتوری ، ڕێکوستەی سېاسی ، ژېوگەېې " ھەرمانە کەرانۍ و ېاگۍ ۋێشا گێرانۍ .
ھ.ئ
