هونەرمەڼە هۆزان مزگینە (غوربەت ئایدن)ە کە جە تەڤگەرو ئازادی گەلو کوردینە خاوەن پېگێوە گرنگەنە، جە ٣٣ ەمین ساڵیاڎو گەشمەرڎەبیەیشەنە سەرو قەبرەکێشۆ یاڎش کریاوە، یاڎکەردەیۊکەی بە سەرمەشقایەتی تەڤگەرو ژەنا ئازادی (تەژەئا)ی و  بە بەشداری ئەڎایا ئاشتی و ڕاوەبەرا دەم پارتی و ڕێکوزیاکا سەرو قەبرەو هۆزان مزگینێوە جە قەبرسانو کارشیاکای بەدلیسی لوواڕاوە.

دماو دەیەقێوە ڕێزگېرتەی، جە ئەڎایا ئاشتی، مەجبوورە کاپلانە ئەرەیاۋناش هۆزان مزگینە ژیۋایش چنی مرۆڤایەتی خاسی و ئاشتی ۋېیەرنا، واتش: "مزگینە کەسایەتیێوە فیداکارە بۍ، دڵو کەسی نە ئێشنۍ. هەمیشە ئاشتیوازە بۍ. حەچ کەسۍ ئشناسێش چنەش ڕازی بۍ. ئێمەیچ سەرو ڕاو ئاڎۍ، داواو ئاشتی مکەرمۍ".

ئەڎاو ئاشتی گولپەری ئیلباسانە ئەرەیاۋناش گەشمەرڎە مزگینە کەسێوە فیداکارە بۍ، سەرەو ڕێزی پەی ئەوەکۊشاکەیش منامنمېرە.

یاڎەکە بە دوعاکەردەی و درووشمۊو "گەشمەرڎۍ نمەمرا" دمایش ئاما.