جەمیل بایک باسش چانەیە کەرد هەمان جۆشوخرۆشو کاتو ئەرەمەزنارەو پەکەکەما هەن جە قەرارو دمای ئاردەی بە پەکەکەیما و واتش: " ئەر جارێوە تەریچ بۆوە دنیا، دیسان ڕابەر ئاپۆی بە بنەما گیرونە."
دیوانو کۆنگرەو ١٢ـەمینو پەکەکەی جە هەرێمەکا پارێزناو مەدیای جە ٥-٧ی ئایاری کۆنگرەو ١٢ـەمینی وێش بەست و دلێشەنە قەرار دریا بە هورشێونایۆ پەکەکەی و دمای ئاردەی بە ئەوەکۆشای چەکداری.
جە ئەرەمەزنارەو پەکەکەی و هامسەرۆکو کۆنسەو ڕاوەبەری کەجەکەی جەمیل بایک جە کۆنگرەکەنە هەڵوێسو وێش دەربارەو قەرارو کۆنگرەکەی بەربڕی و هورسەنگنایش پەی گرنگی کۆنگرەکەی کەرد.
هورسەنگنای و هەڵوێسو جەمیل بایکی پی جۆرەنە:
"حەر پێسەو ئانەی هەڤاڵێ مزانانە، جە دەسپێکۆ ئینانی دلێ ئی تەڤگەرەینە. هەڤاڵ کەمال پیر ڕابەر ئاپۆش پنە ئشناسانی. تا ڕابەر ئاپۆم نەشناسا، نە کوردەسان، نە گەلوو کوردی و نە جە وێشم نەیاوبێنانە. دماو ئانەی ڕابەر ئاپۆم ئشناسا، یانی دماو ئانەی وینام و چنیش قسێم کەردە ئاکاتە جە کوردەسان و، گەلوو کوردی و کەسایەتی وێم ئشناسا. حەر پۆکەی جە سەرەتاوە ڕابەر ئاپۆم کەرد بە بنەماو وێم.
ئەر دەسپێکم بە دڵو ڕابەر ئاپۆی نەبییەبۆ، خەڵەتێ فرێم بیێبا هیچ کاتێ چی هەنگاما پاشەکشەم نەکەردەن. گرڏ کاتێ گەرەکم بییەن خەڵەتەکام ناسونە و شایستەو ڕابەر ئاپۆی بونە.
کاتێ ڕابەر ئاپۆم ئشناسا، ئا کاتە جۆشوخۆرشێوە گۆرەم دلێنە وەش بی، پۆکەی کاتێ پەکەکەم ئەرەمەزنا هەمان هەست و جۆشوخرۆشم دلێنە وەش بی. تاوۆنە واچو فرە زیاتەر بە جۆشوخرۆش و مۆراڵتەر بییانی.
جە ئیسەنە کۆنگرەما بەست و یاوایمێ بە ئەنجام. چی کۆنگرەنە قەرار دریا سەرو هورشێونایۆ پەکەکەی و دمای ئاردەی بە ئەوەکۆشای چەکداری. پێسەو ئەرەمەزنێنەرو ئی تەڤگەرەیە بە جۆشوخرۆشۆ قەرارەکا هورگیرونە. چونکە فرە عال ڕابەر ئاپۆی مشناسو. حەر هەنگامێوە کە ڕابەر ئاپۆ پەی ئێمە، پەی گەلەکەیما، پەی تەڤگەرەکەیما، پەی ئینسانییەتی نییا بۆش، بە سەرکۆتەی ئەنجام گیر بییەن. حەر وێش وەرو ئی مەڵامەتەیە دلێ تەڤگەرینە، دلێ گەلینە بڕوێوە گۆرێ بە ڕابەر ئاپۆی هەنە. جە جەهانیشنە بڕواکەردەی بە ڕابەر ئاپۆی ئینا وەرفروان بییەینە. پێسە چنین بە ئشناساو ڕابەر ئاپۆی ئاشناو وێم بییانی و پی جۆرە درێژەم بە هەنگامەو وێم نییا، ئەر جارێوە تەریچ بۆوە دنیا، دیسان ڕابەر ئاپۆی بە بنەما گیرووە. تاوۆنە بە کورتی و پوختی ئینەیە واچونە.
بژیوۆنە ڕابەر ئاپۆ
بژیوۆنە پەکەکە."
