قوباد تاڵەبانی: دەرگای بەڕووی قۆناغێكی نوێدا كردەوە
جێگری سەرۆكی حكومەتی هەرێمی كوردستان، قوباد تاڵەبانی دەربارەی بڕیارەکانی کۆنگرەی ١٢ هەمینی پەکەکە گوتی: " دەرگای بەڕووی قۆناغێكی نوێدا كردەوە".
جێگری سەرۆكی حكومەتی هەرێمی كوردستان، قوباد تاڵەبانی دەربارەی بڕیارەکانی کۆنگرەی ١٢ هەمینی پەکەکە پەیامێکی بڵاوکردەوە.
قوباد تاڵەبانی گوتی: " پارتی كرێكارانی كوردستان –پەكەكە، لە كۆنگرەی ١٢ـی خۆیدا بەرپرسیارێتیی خۆی بەرامبەر بە پرۆسەی ئاشتی لە توركیا جێبەجێ كرد و دەرگای بە ڕووی قۆناغێكی نوێدا كردەوە."
تاڵەبانی گوتی: " هیوادارین حكومەت و دامەزراوە یاساییەكان و لایەنە سیاسییەكانی توركیاش ئەم دەرفەتە بقۆزنەوە بۆ چارەسەركردنی یاسایی و ئاشتییانەی پرسی كورد لە توركیا".
