جە بەسنی بە فەرمانەو قائېمقامېەتی ھەرمانەو گێڵای و ڕزگار کەرڎەی مڎرا
جە مەنتېقەو بەسنی سەمسۊری تېمە فریا گوزاریەکۍ بیەو ئېنسانێۋی زېنەیشا ھەست پنە کەرڎەبۍ بەڵام بە فەرمانەو قائېمقامیەتی ھەرمانەو گێڵای و بە دەمۊ لۋایشا مڎرنا.
تەئسېرات و بومەلەرزەی جە مەنتېقەو مەرەشېەنە ۋەردەواما، ئاشکرابی کە ھەرمانەو گێڵای و ڕزگارکەرڎەی جە تەرەف و دۊڵەتېۊ ڕاگېریش ۋەنە کریۊ.
جە مەنتېقەو بەسنی سەمسوری، کەسێۋە کە بە ۋێ بەخشای بەشڎاریش جە ھەرمانەکاو گێڵای و ڕزگار کەرڎەی کەرڎەن. باسش چانەی کەرڎ جە کەرتو ١٥ و تەموو شەھېتلەرو بەسنېەی تېمۍ پۊڵەندی کە ھەرمانەو گێڵای و ڕزگارکەرڎەی کەرانۍ جە یانێۋەنە بیەو کەسۍ زینەیشا ھەست پنەکەرڎەن، بەڵام ھەرمانەکۍ گێڵای شەۋۍ کتوپڕ بە فەرمانەو قائېمقامېەتی مڎرێنە.
ئا ۋۍ بەخشە باسش چانەیچ کەرڎ کە سەرسەعب جارۍ تەر لۋێنۍ یاگەکۍ بەڵام ئا کەسە گېانش جە دەسدان و دماتەر جەنازەکەش چێرو دارو پەرڎوینە بەرئامان.
ئاماژەش پانەیچ کەرڎ کە جە بارەو ئاژەکەیۊ پەرسانش جە ۋەرپەرسا ئاڎێچ ۋاتەنشا کە قائېمقامېەت قەرارو کۊکەرڎەیۊ بە دەمۊ لۋاکەیش دان.
ئەرەیاۋیا کە دماو ئا قەراریە بەعزۍ جە سایەقو ئامێرەکا کە بەشڎاریشا جە ڕزگار کەرڎەینە کەرڎەبۍ، ناڕەزایشا جە ۋەران ۋەرو ئا قەرارەینە بەربڕی و بەسنی- شا جېا ئاست.
ھ.ش
