مەکریۊ جە گلێرگێۋەنە بناغەکۍ تەندروستی نەبا ، چێگەنە دەوری ئەساسی گنۊ سەرو شان و کارمەنڎاو تەندروستی کە بە ڕۊڵ و بەرپەرسیاریەتی وێشا بناغێوە گرنگ و گلێرگەی پێک مارا سەربارو گرڎ دژواری و ئاستەنگیێوەیچ جە ھۊڵ و درێژەداینۍ بە ھەرمانەکێشا. کارمەنڎا تەندروستی جە کەمپ و پەناھەنڎا شەھیڎ " ڕۊستەم جودی"(مەخمور)ی سەرەڕاو دژواری و ئاستەنگیەکا تەوقدای درێژە بە ھەرمانەکێشا مڎا. واچە واچو لێژەو تەندروستی کەمپ و پەناھەنڎا مەخموری " حسێن گۊزەرەشی" سەبارەت پې مژاریە قسێش پۍ ئاژانسو ھەواڵی فورات (anf)ی کەرد .

حسێن گۊزەرەشی ' جە سەرەتاو قسەکاشنە باسش چانەی کەرڎ کە دماو تەوقداو کەمپەکەېۊ

ئاماو لوای جە ما بەین و کەمپیو ھەوڵێرینە قەڎەغە کرېان و واتش" جە سەرەتاو تەوقداکەینە ئاماو لوای پۍ شارەکا تەری فرە نەبۍ، ۋەرو ئانەی ئاستەنگشا وەش کەرڎەبۍ

ئا ئاستەنگیۍ کارشا جە تەندروستی گەلەکەیما کەرڎ، وەرو ئانەی جە کەمپەکەنە نەوەشیۍ درێژ مەودۍ ھەنۍ پێسە نەوەشی شەکرەی ، بەرزی فشارو ونۍ ، شێرپەنجەو ھتد... بە پاو توناکاما ئەرک و وەرپرسیاریما بە ېاگۍ میاونمۍ ، ئاوو ھەواو جوگرافی کەمپەکەیچ زېاتەر تەئسیر سەرو نەوەشەکاما منیۊرەو بۆنە مەڵامەتو زېاتەرو نەوەشیەکا چەمو مەنتیقەکای تەرینە

دماو تەوقدای کەمپەکە پێسە سجنیش پنە ئامان، ئانەیچ زېاتەر تەئسیرش کەرڎەن سەرو نەوەشیەکا، ھەر ئا ساڵەی نەوەشی کۊرۊنای ۋەڵا بیۊ گرڎو دنیێش گێرتۊ ېاوا کەمپەکەو ئێمەیچ چا ۋەختەنە ھەم تەوقدای بۍ ھەم نەوەشیۍ جیاوازۍ بێنۍ ، ئینەیچ ھەرمانەکۍ ئێمەش قورستەرە کەرڎە، نەوەشما بیەن جە ڕانە گیانش بەخشان بە تایبەتی زارۊڵۍ و ژەنی دوەگیانۍ

ۋەلۍ ئێمە پێسە خەڵکو کەمپەکەی ئا کەسێما کە کەرتو تەندروستیشا تەمام کەرڎەن بە پاو تواناو زاناېې وێشا خزمەتشا کەرڎەن و ئەرکو وێشا بەعالی ېاگۍ ېاونان .

حسێن گۊزەرەشی ' ئاماژەش بە نەوەشیە درێژ مەوڎاکا کەرڎ کەمپەکەنەو واتش ' ئێمە مەتاومۍ بە وردی واچمۍ ژمارەو نەوەشیە درێژ مەوڎاکاما چنەنۍ وەرو ئانەی فرەو ۋەختەکا

واڕېاېشا سەرەرەمۍ ۋەلۍ متاوو واچو ژمارێۋە فرە جە نەوەشا درێژ مەوڎای ھەنۍ کەمپەکەنە

 بە مەڵامەتو پیسۍ ئاوێو ھەوای و فرەو ڤیتامینەکایچ کە ھەنۍ پێسە پێویسی دەس مەگنانۍ، ئینەېچ بیەن بە مەڵامەتو زېاڎ بیەو نەوەشیەکا .

چی ماوەو دماېنە، نەوەشی شێرپەنجە چەمو ۋەڵتەرینە زیاتەر بیەن

حسێن گۊزەرەشی ' ئانەیچش ھوست ڕووە کە ڕاگیری جە دەرمانی کریۊ واتش'' جە ڕوانگەو پەېڎاکەرڎەو دەرمانیۊ ئێمە وەزعەما فرە خراپەنە چونکیم ۋەڵتەر جە ڕاو ھەولێریۊ دەرمانما پۍ ئۍ وەلۍ ئیسە نمۍ جە لاو موصڵ- یچۊ گرفت وەشکەرا وەلۍ بەعزێجار جە ڕاو بەعزۍ جە دۊساوە ېان جە چن دەرمان ورەشێوە ېاوا دەسما، چن جار بە فەرمی داواما جە حکومەتو عێراقی کەرڎەن جارجار ماچا ڕا کەرمێوە وەلۍ تائیسە ڕاگیری وەردەواما، چی ماواو دماېنە نەوەشی شێرپەنجە چەمو ۋەڵتەرینە زیاتەر بیەن بە تایبەت جە کەمپەکەنە نەوعیەتو نەوەشیە درێژ مەوڎاکا پێسە " فشارو ونێ و شەکرەو سەکتەو دڵی ھتد.... زیاڎشا کەرڎەن، ئێمە بە چن نمونێوە ئاماژەما بە مەڵامەتو نەوەشیەکا کەرڎ، وەلۍ مەڵامەتو نەوەشیەکا بە تەمامې مەزانرېۊ وەرو ئانەی پێشنیارما پۍ پزیشکا بێسنورو خێرۊ مەنی کەرڎەن کە وشکنای دلۍ کەمپەکەینە کەرا ئایێچ تا ئی ۋەختە دەرفەتشا پۍ نەڕەخسیان.

سەربارو ئی گرڎ باج و قوربانې دایە ئیراڎەما بە قوەتا

گۊزەرەشی واتش'' فەلسەفەو " ڕابەرئاپۊی " و ئا ھێزەی جە گەشمەرڎاو شۊڕشیشاۋە ھورگێرتەن تا ئیسە دەرفەت پۍ ئاېش مڕەخسنۊ و پی جۊرە دماېش بە قسەکاش ئارڎ " جە لاېێوە ڕاسا قوربانی فرە قورسما دان وەلۍ ئانە کەرڎەنش کارۍ کەڕۊ دماو ڕۊی ئیرادەما زېاتەر پتەوتەربۊ .

ھ.ئ