نېمەڕۊو ئارۊی جە ٢٤ەمین ساڵیاڎو پېلانگێڵی ١٥و شوباتی، جە بارەگاو ئەنجومەنو ھەرێمی کەرکوک و تەڤگەری ئازاڎیی گلێرگەو کورڎسانېۋە، جە کۊنگرێۋە ڕۊنامە ۋانېنە ئا پېلانگێڵېیە مېان نەتەۋەیېە جە تەرەفو ئەنڎاماو ئەنجومەنو تەڤگەری ئازاڎیۊ شەرمەسارو مەحکوم کریا.

جە کۊنگرە ڕۊنامە ۋانیەکەنە، کۊمەڵ سەرمەد ھامسەرۊکو ئەنجومەنو ھەرێمو کەرکوک و تەڤگەری ئازاڎیی گلێرگەو کورڎسانی، بەیاننامێۋەش پۍ ڕاو گرڎی ۋناۋە.

کۊمەڵ سەرمەد بەنامۍ ئەنڎاماو ئەنجومەنو ھەرێمو کەرکوک و تەڤگەری ئازاڎیی گلێرگەو کورڎسانېۋە، بەیاننامەکەش ۋناۋەو ۋاتش:" ڕابەرو گەلا ڕێزدار عەبدوڵا ئۊجالان، ٢٤ ساڵێن ئېنا ژورۍ تاکە کەسینە جە گێرتەخانەو ئېمڕاڵی، تا ئېسە گولانەتەرین سازشش جە مافو حەقو گەلەکەیش نەکەرڎەن پۍ ئازاڎیی فېزیکی ۋێش، چنی ئانەیچ زیاڎ جە ٢٢ مانگان گۊشەگېرېۍ تنش سەرەرە ملۊڕاۋە و حېچ واچەو پێخامێش مەیاۊنە بە گەلو کورڎی، ڕا بە خانەواڎەو پارێزەرەکاش مەڎریۊ سەرش ۋنە داو بۋیناش''.

جە دما دمایی قسەکاشەنە کۊمەڵ سەرمەد، سەبارەڎ بەبۍ دەنگی ناۋەنڎە نێم دۊڵەتېەکا تایبەت بە مافەکاو مرۊڤی ئەرەیاۋناش:'' جە ھەمان ۋەختەنە داڎگای نێم دۊڵەتی و سی پی تی جە ۋەران ۋەرو ئا گۊشەگېری و ئەشکەنجەینە بێدەنگێنۍ و حېچ ھەڵۋێسێشا نېا، ئېنەیچ دورا جە گرڎ بەھاو بنەمێۋە دیموکراسی و ئەخلاقی و مرۊڤایەتی و ۋیژدانی پۊکەی داوا کارێنمۍ جە گەلو کورڎی و گەلا جەھانی جە پاو بەدی ئارڎەو ئاشتی و دېموکراسی ڕاستی ھەوڵەکاشا پۍ ئازاڎیی فېزیکی ڕابەرو گەلا کریۊنە یۊ.

ھ.ش