جە ناۋەنڎو سەروازی و پېشەسازېەکا و ئێرانی چن ئەرە تەقاېۊو ئێرکۊتەېۍ ڕووەشا دا
جە کۊگێۋی چەک و تەقەمەنېینە جە پارێزگاو ئەسفەھانی چن ئەرەتەقاېۊېۍ ڕووەشادا . ھام ۋەخت مەنتېقەو پېشەسازی ئازەرشاری ئێرش گێرت و دەنگ و چن ئەرە تەقاېێچ جە کەرەج ئەشنەۋېان .
مەدېاکۍ و دېجېتاڵ مەدېاکۍ ئێرانی ۋەڵاشا کەرڎۊ ، جە ناۋەنڎو ۋەشکەرڎەو چەک و تەقەمەنیی تەوحېدو سەر بە ۋەزارەت و ۋەرگېری ئێرانی جە ئەسفەھان صەڎاو ېەرۍ ئەرە تاقاېۍ ئەشنەۋېان ، چن ڤېدېۊێچ جە صەڎاو ئەرەتەقاېۊکا ۋەڵا کرېانۊ . ھام ۋەخت صەڎا و تەقەی دژ بە عاسمانی جە ئەسفەھان ئەشنەۋېان .
حەرپاسە مەعمەل و ڕەنگسازی جە مەنتېقەو پېشەسازی سەلېمی جە شارو ئازەرشاری جە پارێزگاو تەبرێزی کە گۊرەتەرېن مەنتېقەو پېشەسازېی سەرنېشتو ۋەرنېشتو ئێرانیا ، ئێر کۊتەېۊ ڕووەش دان ، چا ئێر کۊتەېۊنە ٢٥ کەسۍ ۋەرکۊتۍ ، کە حاڵو تەندروسی ١٠ کەساشا خاس نېا .
جە لاېۍ تەرۊ جە کەرەج و نزېک بە تاران و پاېتەختی صەڎاو چن ئەرەتەقاېێۋە ئەشنەۋېان ، کە مەڵامەتەکەشا دېار نېا .
ھ.ئ
