جە شارو پاوە-و هەورامانی ساڵانە چنڎین هەڵەمەتۍٚ پەی هامکاریکەردەی کەسە نیازمەندەکان جە ڤیارە جیا جیاکانە ڕێکۍٚموزیانۍٚ و جە ئا هەڵەمەتانە دەیان و سەتان ملیۆن تومانۍٚ کۆمکریۆنەوە.
جە بەردەوامی ئا هەڵمەتانە چنڎ ڕۊێن دەست کریان بە کۆمەک کۆکەردەی پەی نیازمەندەکانو شارەکەی و دەیان خێرۋازۍٚ بە پوڵ و واردەمەنی کۆمەکی وێشان پێشکەش کەردەن.
ڕێکوزۍٚ هەڵمەتو کۆمەک کۆکەردەکەی واتەنشان: هەڵەتەکێشان تا جەژنەو ڕەمەزانی بەردەوامەنە و تا ئیسە ٢٥ کەسۍ جە پیایا و ژەنە خێرۆمەندەکان بەشدارێش بیێنۍٚ و چەمەڕایی هەن تا چەژنە ژمارەو بەشداربییەکان زیاتەر ببۆنە. 
هەرپاسە ڕێکوزۍٚ هەڵمەتو کۆمەک کۆکەردەکەی ئاشکراشان کەردەن: تا ئیسە زیاتەر جە یەرەسەتو یەک ملیۆنۍٚ و ششسەت هەزار (۳۰۱/۶۰۰/۰۰۰) تومانۍ هامکارو کۆمەک بەشێوازی ماڵی و واردەمەنی کۆکریانەوە و پێشکەش بە نیازمەندەکان کریان.