جە شارو سېدنی ئوسترالېای بە ۋەرھەنگامەو نەجەکەدەی ، جە دژو گۊشەگېری سەرو ڕابەر ئاپۊی ڕابەرو گەلو کورڎی ، چالاکۍ ئەنجام دریا .

جە چۋارچێۋەو کەمپەین و " ئازاڎی پۍ عەبدوڵا ئۊجالانی – بێستا " بە بەلەم جە بەحرو ھاربۊری جە ناۋەنڎو شارو سېدنی ، گێڵێۋە بە بەلەم پۍ ماۋەو یەرۍ سەعاتا ئەنجام دریا . ئوسترالېەکۍ بە ۋاتەیۊ دروشمەکا پەشتگېریشا جە چالاکېەکەی کەرڎ .

بەنامۍ کۊمېتەو ئاماڎەکاریۊ پی جۊرە قسۍ کریۍ :

" سەرەتا ئامریکاو فرەو ۋڵاتاو ئۊروپای تەرسانۍ کە داواکەرڎەو دیموکراسی و یەکسانی و ئازاڎی جە ڕاو گفتوگۊیۊ چارەسەر کریۊنە . ڕابەر ئاپۊ ٢٤ ساڵۍ چێۋەڵتەر پۍ ئانەی سەرو ئی بنەڕەتېە کێشەو کورڎی چارەسەر کەرۊنە ، لۋا پۍ ئۊروپای ، ۋەلۍ دۊڵەتە ئۊروپېەکۍ ئاڎشا قبوڵنەکەرڎو بېۍ بە ھامکارو پېلان گێڵناکەی جە دژش و ڕابەر ئاپۊشا ڕادەس و ترکېەی کەرڎ . پەنەوازەن " سی پی تی "و نەتەوە یۊگێرتەکۍ پۍ دمایی پنە ئارڎەو سېستمو ئەشکەنجەو ئېمراڵی بە ئەرکو وێشان ھوربێزاو جە نزیک تەرین ۋەختەنە بلانۍ ئېمراڵی .

پەنەوازەن حکومەت و ئوسترالېای و دەزگاکۍ گلێرگەو مەڎەنی ئوسترالېای ، جە دژو سېاسەت و گۊشەگېری بێدەنگۍ نەبا ".

ھ.ش